រាជធានីភ្នំពេញ ៖ បុរសជាជនបរទេសម្នាក់ត្រូវបានគេប្រទះឃើញដេកស្លាប់ទាំងខ្លួនប្រាណអាក្រាតនៅក្នុងបន្ទប់ បន្ទាប់ពីបាត់ខ្លួនមិនឃើញចេញពីផ្ទះប្រមាណមួយសប្តាហ៍ ។ ហេតុការណ៍នេះបង្កឱ្យមានការភ្ញាក់ផ្អើល កាលពីវេលាម៉ោង៧និង៣០នាទីព្រឹកថ្ងៃទី៧ ខែសីហា ឆ្នាំ២០១៨ នៅចំណុចផ្ទះលេខS05…
រាជធានីភ្នំពេញ ៖ បុរសជាជនបរទេសម្នាក់ត្រូវបានគេប្រទះឃើញដេកស្លាប់ទាំងខ្លួនប្រាណអាក្រាតនៅក្នុងបន្ទប់ បន្ទាប់ពីបាត់ខ្លួនមិនឃើញចេញពីផ្ទះប្រមាណមួយសប្តាហ៍ ។ ហេតុការណ៍នេះបង្កឱ្យមានការភ្ញាក់ផ្អើល កាលពីវេលាម៉ោង៧និង៣០នាទីព្រឹកថ្ងៃទី៧ ខែសីហា ឆ្នាំ២០១៨ នៅចំណុចផ្ទះលេខS05 ផ្លូវលេខ៥៤ ក្នុងភូមិ៣ សង្កាត់ជ្រោយចង្វារ ខណ្ឌជ្រោយចង្វា។
ជនបរទេសដែលស្លាប់ឈ្មោះកូសល្លី ភីតធ័រ អានតូនី (CAUGHLEY PETER ANTHONY) ភេទប្រុស អាយុ៧១ឆ្នាំ ជាជនជាតិអូស្ត្រាលី ជាប្រធានក្រុមហ៊ុន អ៊ែកថន ប៊ុកខឺ (ACTON BOOKER Co.,Ltd) ស្នាក់នៅផ្ទះកើតហេតុខាងលើ ។
តាមសមត្ថកិច្ចមូលដ្ឋានបានឱ្យដឹងថា រយៈពេលប្រមាណជិតមួយសប្តាហ៍មកហើយ ដែលបុរសជាជនជាតិបរទេសម្នាក់នោះបាត់ខ្លួនមិនឃើញចេញមកក្រៅ ហើយផ្ទះក៏បានបិទភ្លើងរហូត ដោយមានការសង្ស័យ សន្តិសុខបុរីក៏បានរាយការណ៍មកអាជ្ញាធរភូមិនាំគ្នាគាស់ផ្ទះចូលមើលស្រាប់តែប្រទះឃើញជនជាតិអូស្ត្រាលីខាងលើដេកស្លាប់នៅមាត់ទ្វារបន្ទប់ទាំងអាក្រាតកាយ និងមានសភាពហើមស្អុយ ក៏បានរាយការណ៍មកនគរបាលជំនាញចុះទៅត្រួតពិនិត្យ ។ តាមរយៈឯកសារនៅក្នុងផ្ទះ ទើបសមត្ថកិច្ចស្គាល់អត្តសញ្ញាណបុរសជនបរទេសខាងលើ។
តាមការត្រួតពិនិត្យ សមត្ថកិច្ចបានឱ្យដឹងថា បុរសជាជនជាតិបរទេសខាងលើមានជំងឺប្រចាំកាយ ដេកស្លាប់ដោយសារតែគាំងបេះដូង ។ សពត្រូវបាននគរបាលបញ្ជូនទៅតម្កល់នៅមន្ទីរពេទ្យមិត្តភាពខ្មែរ-សូវៀត ដើម្បីស្រាវជ្រាវរកក្រុមគ្រួសារ ៕
ចែករំលែកព័តមាននេះ