រាជធានីភ្នំពេញ ៖ សំណង់ផ្ទះល្វែងមួយកន្លែងបានស្រុតចន្ទល់បាក់ធ្លាក់ក្ដារពុម្ព និងបេតុងទើបតែ ចាក់ជាន់ទី១បណ្តាលឲ្យរងការខូចខាតទាំងស្រុង។ ទោះបីជាយ៉ាងណាគេពុំដឹងថា មានមនុស្សគ្រោះថ្នាក់ ឬយ៉ាងណានោះទេ។ ហេតុការណ៍បាក់ពិដាននេះត្រូវបានគេដឹងថា កើតឡើងកាលពីវេលាល្ងាចថ្ងៃទី៥…
រាជធានីភ្នំពេញ ៖ សំណង់ផ្ទះល្វែងមួយកន្លែងបានស្រុតចន្ទល់បាក់ធ្លាក់ក្ដារពុម្ព និងបេតុងទើបតែ ចាក់ជាន់ទី១បណ្តាលឲ្យរងការខូចខាតទាំងស្រុង។ ទោះបីជាយ៉ាងណាគេពុំដឹងថា មានមនុស្សគ្រោះថ្នាក់ ឬយ៉ាងណានោះទេ។ ហេតុការណ៍បាក់ពិដាននេះត្រូវបានគេដឹងថា កើតឡើងកាលពីវេលាល្ងាចថ្ងៃទី៥ ខែ សីហា ឆ្នាំ២០១៨ នៅចំណុចការដ្ឋានមួយកន្លែងស្ថិតនៅអតីតយឿត្រីគីម៉ែត្រលេខ១០ ក្នុងភូមិឡកំបោរ សង្កាត់ស្វាយប៉ាក ខណ្ឌឫស្សីកែវ។
តាមព័ត៌មានឲ្យដឹងថា ពិដានដែលបាក់នោះមានទំហំប្រមាណ ៤ម៉ែត្រ គុណនឹងប្រមាណជិត២០ម៉ែត្រ ដែលមានម្ចាស់ឈ្មោះ មួយគា ភេទស្រី។ តាមកម្មករ ឲ្យដឹងថា នៅវេលាល្ងាចថ្ងៃកើតហេតុនៅពេលដែលរថយន្តមកបាញ់ចាក់បេតុងពិដានជាន់ទី១ ស្រាប់តែស្រុតដី ធ្វើឲ្យចន្ទល់ទ្រេតបាក់ក្តារពុម្ពធ្លាក់បេតុងហូរអស់តែម្តង។ សំណាងណាស់ ពុំបណ្តាលឲ្យមនុស្សរងរបួសឡើយ។
ខណៈពេលដែលអ្នកយកព័ត៌មានយើងបានទៅថតទីតាំងសំណង់ ដែលបាក់ហើយក្រុមជាងកំពុងតែរុះរើកាយយកដែកចេញនោះ មានបុរសម្នាក់ ក៏បានមកថតអ្នកយកព័ត៌មាន មិនដឹងថាគេមានចេតនាអ្វីនោះទេ។ តាមលោកស្រី ជុំ សារ៉ុម ចៅសង្កាត់ស្វាយប៉ាក បានឲ្យដឹងថា សំណង់នោះពីមុនជាសំណង់ចាស់ត្រូវបានម្ចាស់វាយចេញ ហើយ សុំច្បាប់ជួសជុសឡើងវិញ។
តាមម្ចាស់សំណង់បានប្រាប់ឲ្យដឹងតាមទូរស័ព្ទថា មិនមែនបាក់ពិដាន នោះទេ គឺជាងសំណង់គ្មានបច្ចេកទេស នៅពេលចាក់បេតុង ហូរទឹកកំបោរចេញ ហើយគាត់ឲ្យ រុះរើចេញចៀសវាងសង់ឡើង២ទៅ៣ជាន់ទៅ មិនរឹងមាំ។ ម្ចាស់ផ្ទះរូបនោះបានឲ្យដឹងថា សំណង់របស់គាត់មានច្បាប់ត្រឹមត្រូវ៕
https://youtu.be/2rcsUZKUL14
ចែករំលែកព័តមាននេះ