ខេត្តមណ្ឌលគិរី ៖ នារីវ័យក្មេងម្នាក់ត្រូវបានមេការចាប់រំលោភ ហើយគំរាមសម្លាប់ថែមទៀត បើនាងហ៊ានប្រាប់ឪពុកម្តាយ ហេតុការចាប់រំលោភនេះកើតឡើងនៅស្រុកកែវសីមា។ បើយោងតាមរបាយការណ៍របស់នគរបាលរដ្ឋបាលដែលទទួលបានពាក្យបណ្តឹងនៅម៉ោង៤និង៤០នាទីរសៀលថ្ងៃទី៤ សីហា ឆ្នាំ២០១៨ ពីនារីជនរងគ្រោះអាយុ១៥ឆ្នាំ…
ខេត្តមណ្ឌលគិរី ៖ នារីវ័យក្មេងម្នាក់ត្រូវបានមេការចាប់រំលោភ ហើយគំរាមសម្លាប់ថែមទៀត បើនាងហ៊ានប្រាប់ឪពុកម្តាយ ហេតុការចាប់រំលោភនេះកើតឡើងនៅស្រុកកែវសីមា។ បើយោងតាមរបាយការណ៍របស់នគរបាលរដ្ឋបាលដែលទទួលបានពាក្យបណ្តឹងនៅម៉ោង៤និង៤០នាទីរសៀលថ្ងៃទី៤ សីហា ឆ្នាំ២០១៨ ពីនារីជនរងគ្រោះអាយុ១៥ឆ្នាំ មានស្រុកកំណើតនៅខេត្តកំពង់ធំ។
បច្ចុប្បន្ននារីរងគ្រោះបានស្នាក់នៅបណ្ដោះអាសន្នជាមួយនឹងឪពុកម្ដាយធ្វើការជាកម្មករក្នុងក្រុមហ៊ុនប៊ិញភឿក១ ស្ថិតក្នុងស្រុកកែវសីមា ខេត្តមណ្ឌលគិរី។
នារីរងគ្រោះបាននិយាយថា បុរសនោះរំលោភនាងបានសម្រេច៣ដង។
លោក វ៉ាន ដានីន អធិការស្រុកកែវសីមាឲ្យដឹងថា ក្រោយពីទទួលបានសេចក្តីរាយការណ៍របស់នគរបាលប៉ុស្តិ៍អមមកជាមួយនឹងពាក្យបណ្តឹងភ្លាមៗ លោកបានដឹកនាំកម្លាំងនគរបាលស្រុកកែវសីមា សហការជាមួយនគរបាលរដ្ឋបាលប៉ុស្តិ៍ចុះទៅធ្វើការឃាត់ខ្លួនជនសង្ស័យស្ថិតនៅក្នុងក្រុមហ៊ុនប៊ិញភឿក១។
ជនសង្ស័យដែលត្រូវឃាត់ខ្លួនឈ្មោះ ហេង ភេទប្រុស អាយុ៣១ឆ្នាំ ជាមេការមើលកម្មករឲ្យក្រុមហ៊ុនប៊ិញភឿក១ ត្រូវឃាត់ខ្លួនកាលពីថ្ងៃទី៥ សីហា ។ ជនសង្ស័យមានទីលំនៅភូមិដំរីស ឃុំកោះជុំ ស្រុកសំពៅមាស ខេត្តពោធិសាត់។
បច្ចុប្បន្ន ជនសង្ស័យត្រូវបានអធិការដ្ឋាននគរបាលស្រុកកែវសីមាកសាងសំណុំរឿងតាមនីតិវិធីដើម្បីបញ្ជូនជនសង្ស័យទៅតុលាការចាត់ការបន្តតាមច្បាប់ ៕
ចែករំលែកព័តមាននេះ