កុំ​ធ្វើ​រឿង​៣​យ៉ាងនេះ​ដាច់ខាត បើ​មិន​ចង់​អស់​លុយ​មុន​ថ្ងៃ​បញ្ចប់​ដំណើរ​កំសាន្ត​របស់​អ្នក


បាងកក​៖ ដើម្បី​ឲ្យ​ដំណើរ​កំសាន្ត​របស់​អ្នក​កាន់តែ​រីករាយ និង​មិន​ខ្វល់ចិត្ត​ក្នុង​ការ​អស់ ប្រាក់​​មុន​ការ​បញ្ចប់​ដំណើរ​កំសាន្ត​លក្ខណៈ​ឯកជន​របស់​អ្នក ដូច្នេះ​ចូរ​កុំ​ធ្វើ​រឿង​៤​នេះ​ដាច់​ខាត​សម្រាប់​អ្នក​ធ្វើ​ដំណើរ​កំសាន្ត​ទៅ​បាងកក ជា​លក្ខណៈ​ឯកជន ឬ​ដំណើរ​កំសាន្ត​ទេសចរណ៍​សុខភាព​ដែល​មាន​ថវិកា​កំណត់ ។

១ – កុំ​ប្តូរ​ប្រាក់​នៅ​សណ្ឋាគារ ឬ​ក៏​ធនាគារ​នៅ​ប្រទេស​ថៃ ៖ សម្រាប់​ចំណុច​នេះ គឺ​ពិតជា​មាន​សារសំខាន់​ណាស់ ។ តាម​រយៈ​បទ​ពិសោធន៍​របស់​ប្រជាពលរដ្ឋ​ខ្មែរ​ដែល​ឧស្សាហ៍​ធ្វើ​ដំណើរ​ទៅ​កាន់​ទីក្រុង​បាងកក ប្រទេស​ថៃ បាន​ឲ្យ​ជា​អនុសាសន៍​ថា «​ប្រជាពលរដ្ឋ​ខ្មែរ មិន​គួរ​យក​ប្រាក់​ដុល្លារ ឬ​យក​រូបិយប័ណ្ណ​ខ្មែរ (​លុយ​រៀល​) ទៅ​ប្តូរ​ទៅ​បាងកក ប្រទេស​​ថៃ​នោះ​ទេ ព្រោះ​អត្រា​នៃ​ការ​ប្តូរ​មាន​តម្លៃ​ទាប​ខ្លាំង ។ ដូច្នេះ​ដើម្បី​ចំណេញ និង​កុំ​ឲ្យ​ការ​ចំណាយ​ខ្ពស់ ក៏​ដូច​ជា​បង្ក​លក្ខណៈ​ងាយស្រួល​ដល់​រូប​អ្នក​ផ្ទាល់ យើង​លើក​ទឹក​ចិត្ត​ឲ្យ​ប្រជាពលរដ្ឋ​ខ្មែរ ប្តូរ​លុយ យក​ជា​លុយ​បាតថៃ ពី​កម្ពុជា​ទៅ ។

២ – កុំ​ហៅ​តាក់ស៊ី​ដែល​ចត​ចោល​ខាងក្រៅ​សណ្ឋាគារ ឬ​កន្លែង​ស្នាក់ ៖ ប្រាកដ​ណាស់ ពេល​អ្នក​ដើរ​ចេញពី​សណ្ឋាគារ​របស់​អ្នក ដើម្បី​ទៅ​កំសាន្ត​តំបន់​ទេសចរណ៍ ឬ​ក៏​ដើរ​ផ្សារ​ទិញ​ឥ​វ៉ា​ន់​ជាដើម អ្នក​អាច​នឹង​ត្រូវ​បាន​ស្វាគមន៍​ដោយ​អ្នក​បើក​តាក់ស៊ី ដែល​ចត​ឡាន​តាក់ស៊ី​របស់​គាត់​នៅ​ម្តុំ​សណ្ឋាគារ ឬ​ក៏​ផ្ទះសំណាក់​ដែល​អ្នក​ស្នាក់​នៅ​។ ម្ចាស់​តាកស៊ី​នឹង​ព្យាយាម​ធ្វើការ​សន្ទនា​អំពី​កន្លែង​ដែល​អ្នក​នឹង​ធ្វើ​ដំណើរ​ទៅ​នៅ​ថ្ងៃនេះ បន្ទាប់​មក​គាត់​នឹង​ទារ​អ្នក​នូវ​តម្លៃ​ថេរ​ណាមួយ ដើម្បី​ជំរុញ​អ្នក​ឲ្យ​ធ្វើ​ដំណើរ​ជាមួយ​គាត់​។ តែ​ប្រយ័ត្ន​អត្រា​ថេរ ឬ​តម្លៃ​នោះ គឺ​ខ្ពស់​ជាង​តម្លៃពិត​ប្រាកដ​នៃ​ការ​ដឹក​ជញ្ជូន​នៅ​ក្នុង​ទីក្រុង​បាងកក។

ជម្រើស​ដ៏​ល្អ ប្រសិនបើ​អ្នក​ចង់​សន្សំ​ប្រាក់ អ្នក​គួរ​ជ្រើសរើស​តាក់ស៊ី​ម៉ែត្រ ដោយ​ស្នើ​ឲ្យ​ខាង​សណ្ឋាគារ ឬ​ផ្ទះសំណាក់​ហៅ​ជូន​អ្នក​បាន ។ យ៉ាងណាមិញ អ្នក​ក៏​អាច​ជ្រើសរើស​មធ្យោបាយ​ដឹក​ជញ្ជូន​សាធារណៈ ឬ រថយន្ត​តាក់ស៊ី​ម៉ែត្រ​។ ប្រសិនបើ​អ្នក​ពិតជា​មាន​ប្រាក់​តិចតួច អ្នក​អាច​គិត​អំពី​ឡានក្រុង ប៉ុន្តែ​អ្នក​អាច​នឹង​ខ្ជះខ្ជាយ​ពេលវេលា​យូរ ដោយ​សារ​តែ​ការ​ជាប់​គាំង​នៃ​ការ​កកស្ទះ​ចរាចរ​នៅ​បាងកក ។

៣- កុំ​ចំណាយ​លុយ​ច្រើន​សម្រាប់​ការ​រីករាយ​លើ Fancy Rooftop Bar ៖ ការ​មើល​ថ្ងៃ​លិច ពី​ដំបូល​នៃ​កន្លែង​ប្រណីត​មួយ (Fancy Rooftop Bar) ជាមួយនឹង​ស្រា​ក្រឡុក គឺជា​សកម្មភាព​ដ៏​មាន​ប្រជាប្រិយភាព​ខ្លាំង​មួយ​នៅ​ក្នុង​ទីក្រុង​បាងកក ប៉ុន្តែ​កុំ​ភ្លេច​ថា​ការ​សប្បាយ​​បែប​នេះ គឺ​សម្រាប់​តែ​អ្នកមាន​លុយ​ហូរហៀរ​ខ្លាំង ។

តែ​សម្រាប់​លោក​អ្នក​ដែល​ចង់​សន្សំ​សំចៃ ពី​ការ​ធ្វើ​ដំណើរ​កំសាន្ត​ទេសចរណ៍​សុខភាព អ្នក​អាច​បញ្ចប់​ថវិកា​របស់​អ្នក អស់​មុន​ការ​គ្រោងទុក ដោយសារ​តែ​ការ​ចំណាយ​ខ្ពស់​លើ​អាហារ និង​ស្រា​នៅ​លើដំបូល​រង្គសាល​មួយ​ចំនួន គឺ​លោក​អ្នក​អាច​ធ្វើ​ដំណើរ​ទៅ​កំសាន្ត​ទស្សនា​ថ្ងៃ​លិច នៅ​តំបន់​មួយ​ចំនួន​ផ្សេង​ទៀត ដូច​ជា​នៅ​តំបន់ Silom ដែល​មាន​អាគារ​ខ្ពស់​ៗ​មួយ​ចំនួន​មាន​សេវាក​ស្រា​បៀរ​ចាប់ពី​តម្លៃ ១៦០ បាត​តែ​ប៉ុណ្ណោះ ។

អត្ថបទ​នេះ​នាំ​ជូន​មក​ដោយ​ក្រុមហ៊ុន​ធានា​រ៉ាប់រង​ជីវិត AIA

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ទេសចរណ៍-សុខភាព

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ