រាជធានីភ្នំពេញ ៖ ប្រជាពលរដ្ឋដែលរកស៊ីទិញលក់់ត្រីបោះដុំធ្វើដំណើរតាមផ្លូវជាតិលេខ៥ បានធ្វើការរិះ
គន់ថា ជារៀងរាល់ថ្ងៃ តែងតែឃើញមន្ត្រីរដ្ឋបាលជលផលចតុមុខ ចេញមកស្ទាក់ផ្លូវ ដើម្បីជំរិតទារប្រាក់ ។ ហើយបើសិនមិនបង់ប្រាក់ឱ្យនោះទេ គឺមន្ត្រីជលរូបនោះមិនអនុញ្ញាតឱ្យទៅឡើយ គឺទុករហូតត្រីងាប់អស់ក៏មានដែរ ។
តាមអាជីវករដឹកត្រីម្នាក់បានខ្សឹបប្រាប់ឱ្យដឹងថា ទាំងយប់ទាំងថ្ងៃ គេតែងតែឃើញ មន្ត្រីជលផល ប្រមាណ២ ទៅ៣នាក់ ដែលក្នុងនោះមានម្នាក់ជិះរថយន្តម៉ាកកាមរី ពណ៌ប្រផេះ ពាក់ស្លាកលេខ ភ្នំពេញ
២R-៨៦៦២មួយគ្រឿង ចេញមកស្ទាក់ផ្លូវ ចាំចាប់រថយន្តដឹកត្រី ចូលរាជធានី ឬទៅខេត្តផ្សេងៗ ដើម្បីទារប្រាក់ ។
តាមព័ត៌មានឱ្យដឹងទៀតថា នៅក្នុងការស្ទាក់រថយន្តដឹកត្រីនេះ បើសិនជាមិនបង់ប្រាក់ឱ្យនោះទេ មន្ត្រីជលផលរូបនោះ បានយកលេសរកកំហុស កៀករថយន្តទុកក្នុងរយៈពេលយូរហូតដល់ត្រីងាប់ក៏មានដែរ។ អ្នករកស៊ីដឹកត្រីបានត្អួចត្អែរថា រកស៊ី ចិញ្ចឹមតែប្តីគេ ធ្វើមេចបើមិនបង់ឱ្យ ត្រូវគេធ្វើបាប ម្លោះហើយចេះតែទ្រាំទៅ ចុះស្ទឹងតាមបទទៅ ។
ជាក់ស្តែង នៅវេលាម៉ោងប្រមាណ១២ថ្ងៃត្រង់ទី០៦ សីហា នេះ គេឃើញមន្ត្រីជលផលរូបនោះ បានចេញមកស្ទាក់រថយន្តដឹកត្រី នៅមុខអធិការដ្ឋានរដ្ឋបាលជលផលចតុមុខ ដែលស្ថិតនៅតាមផ្លូវជាតិលេខ ៥ ក្នុងភូមិស្វាយប៉ាក សង្កាត់ស្វាយប៉ាក ខណ្ឌឬស្សីកែវតែម្តង ។ តាមព័ត៌មានអោយដឹងថា ខណះនេះគេឃើញ អោយតែរថយន្តដឹកឆ្លងកាត់ជាច្រើនគ្រឿង ត្រូវមន្ត្រីជលផលរួបនោះ ចេញមកស្ទាក់ហៅឈប់ទារប្រាក់ ពេលបង់ប្រាក់ហើយ ទើបអនុញ្ញាតិអោយទៅ។ នៅពេលដែលអ្នកព័ត៌មានឈប់ ថត ស្រាប់តែមន្ត្រីរូបនោះ បានប្រញាប់ប្រញាល់អោយរថយន្តនោះចេញទៅយ៉ាងរហ័ស ហើយ ក៍បានបំបែកគ្នា ចូល អធិការដ្ឋាន អស់ ។
ទោះបីជាយ៉ាងណា កោះសន្តិភាពពុំទទួលបានការបំភ្លឺណាមួយពីមន្ត្រីជលផលរូបនោះឡើយ ។
ចែករំលែកព័តមាននេះ