ឆ្អឹងរបស់មនុស្សយើងងាយនឹងចុះខ្សោយទៅតាមអាយុណាស់ ។ ចំនួនជាតិកាល់ស្យូមក្នុងរាងកាយមនុស្សយើងអាចថយចុះទៅតាមអាយុ ដូច្នេះភាពពុកផុយរបស់ឆ្អឹងអាចងាយនឹងកើតឡើងណាស់ ។ ឆ្អឹងដែលភ្លាត់ ការបាក់ឆ្អឹងទំនងជាងអាចកើតឡើងនៅពេលដែលឆ្អឹងចុះខ្សោយ ហើយអាចនឹងត្រូវការស៊ីពេលច្រើនទៀតទម្រាំជា ។ រឿងនេះអាចជារឿងដ៏ស៊ាំចិត្តណាស់ចាប់តាំងពីអ្នកមិនអាចធ្វើចលនារាងកាយបានច្រើនដូចមុន ។
ក្រៅពីសម្រាកគ្រូពេទ្យអាចនឹងណែនាំឲ្យអ្នកជ្រើសរើសការញ៉ាំអាហារដែលត្រឹមត្រូវបន្ថែមទៀត ដើម្បីជំរុញដល់សុខភាពឆ្អឹង ការលូតលាស់ឆ្អឹងដែលបាក់ និងរបួសឆាប់ជា។ របបអាហារទាំងនោះមានដូចជា៖
១-ទឹក ៖ ឆ្អឹងដែលភ្លាត់អាចកើតឡើងនៅពេលដែលមិនមានភាពរំអិលគ្រប់គ្រាន់ក្នុងសន្លាក់។ ការណ៍ពិតនោះគឺថា មនុស្សភាគច្រើនគឺមិនសូវញ៉ាំទឹកបានគ្រប់គ្រាន់ឡើយ។ រឿងនេះអាចដោយសារតែការងារច្រើន និងមិនសូវមានពេលញ៉ាំទឹក ។ ជាអកុសល្យរឿងនេះអាចធ្វើឲ្យសន្លាក់ទៅជាស្ងួត និងពុកផុយ ដែលងាយនឹងភ្លាត់បាន ដោយសារតែមិនមានទឹករំអិលគ្រប់គ្រាន់ដើម្បីជំនួយដល់ការធ្វើចលនាកាន់តែស្រួល ។ យកល្អគួរតែព្យាយាមញ៉ាំទឹកឲ្យបាន ៨កែវក្នុងមួយថ្ងៃដើម្បីជួយបង្ការ ឬយ៉ាងហោចណាស់ក៏ជួយសម្រួលដល់ឆ្អឹងដែលកំពុងតែភ្លាត់នោះបានដែរ ។
២-ប្រូតេអ៊ីន ៖ អ្នកនឹងត្រូវការប្រូតេអ៊ីនក្នុងរបបអាហារបើសិនជាអ្នកចង់ការពារខ្លួនឯងពីបញ្ហាឆ្អឹងដូចជា ការភ្លាត់ឆ្អឹង និងការបាក់បែកឆ្អឹង ។ ប្រូតេអ៊ីនមិនគ្រាន់តែអ្នកអាចញ៉ាំបានពីអាហារទេ តែវាក៏ជួយដល់ការជួសជុលសាច់ដុំ ដើម្បីការពារឆ្អឹងបានថែមទៀតផង ។ បើសិនជាអ្នកយល់ថាខ្លួនឯងឃ្លាន ចូរញ៉ាំអាហារសម្រន់ណាដែលសម្បូរជាតិប្រូតេអ៊ីន ។
៣-អាហារសម្បូរជាតិកាល់ស្យូម ៖ រឿងផ្សេងមួយទៀតដែលអ្នកត្រូវពិចារណាលើរបបអាហារក្នុងពេលភ្លាត់ឆ្អឹងនោះ គឺញ៉ាំអាហារណាសម្បូរជាតិកាល់ស្យូម ។ កាល់ស្យូមជាជាតិរ៉ែដ៏សំខាន់មួយក្នុងរាងកាយ ដើម្បីការពារភាពខ្សោយរបស់ឆ្អឹង ។ អាហារធ្វើពីទឹកដោះគោគឺជាប្រភពដ៏ល្អមួយនៃជាតិកាល់ស្យូម ។ បើសិនជាអ្នកញ៉ាំជាតិកាល់ស្យូមមិនគ្រប់គ្រាន់ទេ អ្នកអាចញ៉ាំជាប្រភេទថ្នាំបំប៉នបានទៅតាមវេជ្ជបញ្ជារបស់គ្រូពេទ្យ ។
៤-ផ្លែឈើរសជាតិ ជូរៗ ៖ ការញ៉ាំផ្លែឈើដែលស្ថិតក្នុងក្រុមផ្លែឈើជូរៗក៏អាចជារឿងល្អសម្រាប់ឆ្អឹងដែលភ្លាត់បានដែរ ។ នៅពេលឆ្អឹងភ្លាត់ សាច់ដុំ និងជាលិកាជុំវិញអាចរងការរលាក ។ រឿងនេះអាចធ្វើឲ្យចុះខ្សោយដល់ប្រព័ន្ធភាពស៊ាំបាន ។ ជាមួយនឹងជំនួយរបស់ផ្លែឈើ ជូរៗ និងវីតាមីន C របស់វា មិនគ្រាន់តែជួយពង្រឹងដល់ប្រព័ន្ធភាពស៊ាំទេ ថែមទាំងធ្វើឲ្យឆ្អឹងជាលឿនទៀតផង(ស្រង់ពីគេហទំព័រសុខភាព) ៕
ចែករំលែកព័តមាននេះ