រាជធានីភ្នំពេញ ៖ រថយន្តបែនដឹកដី១គ្រឿងបានបោះពួយជ្រុលទៅបុកពីក្រោយរថយន្តដឹកកុងតឺន័រ១គ្រឿងពេញទំហឹងត្រង់ចំណុចផ្លូវបំបែក បណ្ដាលឲ្យរងការខូចខាតក្រពឹតខ្ទេចមុខខ្លួនឯងយ៉ាងដំណំ ។ ចំណែករថយន្តកុងតឺន័របានបែកកង់ក្រោយខាងស្ដាំ១គ្រាប់ ប៉ុន្តែសំណាងល្អមិនមានមនុស្សណាម្នាក់រងគ្រោះថ្នាក់នៅក្នុងហេតុការណ៍មួយនេះឡើយ។ គ្រោះថ្នាក់ចរាចរណ៍នេះបានកើតឡើង កាលពីវេលាម៉ោង១១ព្រឹកថ្ងៃទី៦ ខែសីហា…
រាជធានីភ្នំពេញ ៖ រថយន្តបែនដឹកដី១គ្រឿងបានបោះពួយជ្រុលទៅបុកពីក្រោយរថយន្តដឹកកុងតឺន័រ១គ្រឿងពេញទំហឹងត្រង់ចំណុចផ្លូវបំបែក បណ្ដាលឲ្យរងការខូចខាតក្រពឹតខ្ទេចមុខខ្លួនឯងយ៉ាងដំណំ ។ ចំណែករថយន្តកុងតឺន័របានបែកកង់ក្រោយខាងស្ដាំ១គ្រាប់ ប៉ុន្តែសំណាងល្អមិនមានមនុស្សណាម្នាក់រងគ្រោះថ្នាក់នៅក្នុងហេតុការណ៍មួយនេះឡើយ។ គ្រោះថ្នាក់ចរាចរណ៍នេះបានកើតឡើង កាលពីវេលាម៉ោង១១ព្រឹកថ្ងៃទី៦ ខែសីហា ឆ្នាំ២០១៨ នៅលើកំណាត់ផ្លូវ៣០ម៉ែត្រត្រង់ចំណុចភូមិព្រៃទីទុយ សង្កាត់ព្រៃស ខណ្ឌដង្កោ។
រថយន្តបែនដឹកដីម៉ាកហ៊ីយ៉ាន់ដាយ ពណ៍ស ពាក់ស្លាកលេខ កំពង់ធំ ៣A-២២០២ រងការខូចខាតក្រពឹតខ្ទេចមុខ ចំណែករថយន្តដឹកកុងតឺន័រម៉ាក STERLING ពណ៍ខៀវ ពាក់ស្លាកលេខភ្នំពេញ ៣C-០៧៥០ រងការខូចខាតបែកកង់ក្រោយខាងស្ដាំ ។ចំណែកអ្នកបើកបររថយន្តទាំង២នេះមិនត្រូវបានគេស្គាល់ឈ្មោះឡើយ។
តាមប្រភពព័ត៌មានបានឲ្យដឹងថា នៅមុនពេលកើតហេតុ រថយន្តបែនដឹកដីបានធ្វើដំណើរក្នុងទិសដៅពីលិចទៅកើតក្នុងល្បឿនយ៉ាងលឿន ចំណែករថយន្តកុងតឺន័របានបើកបរធ្វើដំណើរក្នុងទិសដៅពីជើងទៅត្បូង ។ លុះពេលទៅដល់ចំណុចកើតហេតុ រថយន្តបែនដឹកដីបានបត់ឆ្វេងហើយវាក់ជាមួយរថយន្តកុងតឺន័រ ក៏បានបុកពីក្រោយរថយន្តកុងតឺន័រនោះ បណ្ដាលឲ្យរងការខូចខាតទាំងសងខាងបែបនេះតែម្ដង ។ ប៉ុន្តែសំណាងល្អមិនបណ្ដាលឲ្យមនុស្សណាម្នាក់រងគ្រោះថ្នាក់ឡើយ ហើយក្រោយពេលកើតហេតុ ភាគីទាំង២បានធ្វើការសម្របសម្រួលគ្នាដើម្បីបញ្ចប់រឿងនៅកន្លែងកើតហេតុនោះតែម្ដង៕
ចែករំលែកព័តមាននេះ