ខេត្តកំពត ៖ ស្ត្រីជនជាតិអ៊ុយក្រែនម្នាក់បានស្លាប់នៅក្នុងផ្ទះជួលមួយកន្លែងស្ថិតក្នុងភូមិសុវណ្ណសាគរ សង្កាត់កំពង់កណ្តាល ក្រុងកំពត ខេត្តកំពត។
នគរបាលមូលដ្ឋានបានឲ្យដឹងថា ស្ត្រីរងគ្រោះដែលស្លាប់ឈ្មោះ BARANOVSKANINA អាយុ៨០ឆ្នាំ កាន់លិខិតឆ្លងដែនលេខ FA 222264 ជាជនជាតិអ៊ុយក្រែន។
នគរបាលដដែលបានឲ្យដឹងទៀតថា យោងតាមការបំភ្លឺរបស់ម្ចាស់ផ្ទះឈ្មោះឡាង សុខឿន ភេទស្រី អាយុ៣៩ឆ្នាំ ជាអ្នកថែទាំ និងកូនស្រីរបស់ស្ត្រីរងគ្រោះបានឲ្យដឹងថា ស្ត្រីជនរងគ្រោះបានស្លាប់នៅវេលាម៉ោង១១និង២០នាទីជិតកណ្តាលអាធ្រាត្រថ្ងៃទី៥ ខែសីហា ឆ្នាំ២០១៨ ដោយសារជំងឺមហារីកសុដន់ ។
ក្រោយពីសមត្ថកិច្ចនគរបាលជំនាញសហការជាមួយក្រុមគ្រូពេទ្យចុះពិនិត្យសពស្ត្រីជនរងគ្រោះរួចមក សមត្ថកិច្ចបានបញ្ជាក់ថា ស្ត្រីជនរងគ្រោះបានស្លាប់ដោយសារមានជម្ងឺរ៉ាំរ៉ៃគឺជំងឺមហារីកសុដន់ ៕
ចែករំលែកព័តមាននេះ