អង្គភាពមួយបើទោះជាអ្នកគ្រប់គ្រងមានជំនាញច្បាស់លាស់ តែគ្មានគុណធម៌ក្នុងចិត្តទេ ក៏នឹងធ្វើឱ្យស្ថាប័ននេះទទួលរងនូវឱនភាពជាក់ជាមិនខាន មហាបុរសដែលល្បីល្បាញខាងដឹកនាំ គ្រប់គ្រងប្រទេស ឬស្ថាប័នភាគច្រើនគឺដើរតាមគន្លងធម៌៤ចំណុចនេះគឺៈ
១-ធនានុប្រទាន ផ្តល់ប្រាក់បៀវត្សឱ្យដល់បុគ្គលិកគ្រប់ផ្នែក រស់នៅក្នុងជីវភាពសមរម្យ ។
២-មារធម្មិកោ បង្ក្រាបមិនឱ្យមានការប្រព្រឹត្តបក្ខពួកនិយម ប្រព្រឹត្តអំពើអាក្រក់ ឬអំពើមិនប្រក្រតីណាមួយនៅក្នុងអង្គភាពជាដាច់ខាត ។
៣-ធម្មាធិបតេយ្យ គោរពរាប់អានធម៌ បូជាកោតក្រែងធម៌ យកធម៌ជាគោល យកធម៌ជាទង់ជ័យ និងចាត់ការរក្សាការពារ គ្រប់គ្រងដោយត្រឹមត្រូវតាមធម៌ដល់បុគ្គលិកក្រោមឱវាទ ធ្វើការដោយស្ងប់ចិត្ត ។
៤-សមណព្រាហ្មណបរិបុច្ឆា ប្រឹក្សាសាកសួរបញ្ហាដល់អ្នកប្រព្រឹត្តល្អ ធ្វើការបានល្អ ប្រព្រឹត្តត្រូវជានិច្ចតាមវិន័យការងារ ដើម្បីឱ្យដឹងថា ការណាអាក្រក់ ការណាល្អ គួរធ្វើ ឬមិនគួរធ្វើ មានប្រយោជន៍ ឬគ្មានប្រយោជន៍ ហើយអនុវត្តប្រព្រឹត្តតាមដោយត្រឹមត្រូវ ។
ទិសដៅទាំងបួនចំណុចនេះចាត់ថា ជាការងារស្នូលលើកតម្លៃកិត្តិនាមអ្នកគ្រប់គ្រងឱ្យកាន់តែមានកេរ្តិ៍ឈ្មោះពីរោះខ្ពស់ឡើង ។
ចែករំលែកព័តមាននេះ