ខេត្តព្រៃវែង ៖ តាមសេចក្តីរាយការណ៍បឋមបានឲ្យដឹងថា កម្លាំងសមត្ថកិច្ចរួមនឹងកម្លាំងប្រជាការពារសរុបជិត១០០នាក់ ដែលដឹកនាំដោយលោកស្រី សេង ទៀង អភិបាលស្រុកពាមរក៍កំពុងចុះលើកទំនប់ ទប់ទឹកជំនន់ នៅចំណុចស្ពានលេខ៤…
ខេត្តព្រៃវែង ៖ តាមសេចក្តីរាយការណ៍បឋមបានឲ្យដឹងថា កម្លាំងសមត្ថកិច្ចរួមនឹងកម្លាំងប្រជាការពារសរុបជិត១០០នាក់ ដែលដឹកនាំដោយលោកស្រី សេង ទៀង អភិបាលស្រុកពាមរក៍កំពុងចុះលើកទំនប់ ទប់ទឹកជំនន់ នៅចំណុចស្ពានលេខ៤ ស្ថិតក្នុងភូមិព្រៃខ្លា ឃុំព្រៃកណ្តៀង ស្រុកពាមរក៍ ដើម្បីការពារទឹកកុំឲ្យជន់លិចស្រូវ នៅក្នុងឃុំព្រៃកណ្តៀងទាំងមូលប្រមាណសរុបជិត១០០០ហិកតា ដែលបានធ្វើឡើងតាំងពីយប់មិញថ្ងៃទី០៥ ខែសីហានេះ រហូតមកដល់ថ្ងៃនេះផងដែរនៅបន្តធ្វើនៅឡើយ ។
អ្នកស្រីអភិបាលបានបញ្ជាក់ប្រាប់ថា ស្រូវទាំងអស់នេះ គឺជាស្រូវដែលបងប្អូនប្រជាកសិករធ្វើជាលើកទី៣ ហើយនៅសល់តែរង្វង់១២ទៅ១៣ថ្ងៃទៀត និងអាចប្រមូលផលបានហើយ ប៉ុន្តែដោយសារទឹកជំនន់បានចាប់ផ្តើមឡើងហៀចូលដែលអាចធ្វើឲ្យប៉ះពាល់ដល់ស្រូវទាំងអស់នេះទើបលោកស្រីដឹកនាំកម្លាំងចុះលើកទំនប់ទប់ការពារកុំឲ្យទឹកចូលទម្រាំតែប្រជាពលរដ្ឋធ្វើការប្រមូលផលស្រូវអស់ ៕
ចែករំលែកព័តមាននេះ