តានេះប្រើល្បិចស៊ីកូនក្រមុំគេ២នាក់ម៉ាស្អាត… តែអំពើកខ្វក់មិនអាចបន្តបាន
- កំពង់ចាម
ខេត្តត្បូងឃ្មុំ ៖ បុរសពោះម៉ាយម្នាក់ ឈ្មោះ ជូ ចំរើន ហៅវណ្ណា អាយុ៥៥ឆ្នាំ មានទីលំនៅភូមិព្រែកពាម ឃុំពាមជីលាំង…
ខេត្តត្បូងឃ្មុំ ៖ បុរសពោះម៉ាយម្នាក់ ឈ្មោះ ជូ ចំរើន ហៅវណ្ណា អាយុ៥៥ឆ្នាំ មានទីលំនៅភូមិព្រែកពាម ឃុំពាមជីលាំង…
ខេត្តត្បូងឃ្មុំ ៖ បុរសពោះម៉ាយម្នាក់ ឈ្មោះ ជូ ចំរើន ហៅវណ្ណា អាយុ៥៥ឆ្នាំ មានទីលំនៅភូមិព្រែកពាម ឃុំពាមជីលាំង ស្រុកត្បូងឃ្មុំ ត្រូវបានសមត្ថកិច្ចនាំខ្លួនបញ្ជូនទៅតំណាងអយ្យការអមសាលាដំបូងខេត្ត កាលពីព្រឹកថ្ងៃទី៥ សីហា ជាប់ចោទក្រោមរូបភាពនាំនារី២នាក់បងប្អូនពីកម្ពុជា ចេញទៅធ្វើការនៅប្រទេសម៉ាឡេស៊ីមិនស្របច្បាប់ និងបានកុហកថា យកពួកនាងទៅធ្វើការ តែតាមពិតយកទៅដើម្បីបំពេញតណ្ហារបស់ខ្លួនទៅវិញ មិនខុសពីបិសាចតណ្ហាឡើយ ។
លោកវរសេនីយ៍ត្រី សេង ម៉ិ អធិការរងនគរបាលស្រុកត្បូងឃ្មុំប្រាប់ឱ្យដឹងថា នៅម៉ោង៨ព្រឹកថ្ងៃទី០៣ សីហា កម្លាំងជំនាញបានទទួលពាក្យបណ្តឹងពីពលរដ្ឋខ្មែរ-អ៊ិស្លាម នៅភូមិឈើទាលទី២ ឃុំពាមជីលាំង ស្រុកត្បូងឃ្មុំបានប្តឹងចោទបុរសពោះម៉ាយខាងលើ ហើយបានទទួលបញ្ជាពីលោកអធិការនគរបាលស្រុក និងលោកឧត្តមសេនីយ៍ទោ បែន រ័ត្ន ស្នងការនគរបាលខេត្តឱ្យចាត់វិធានការស្រាវជ្រាវបន្ទាន់ ។
លោកអធិការរងនគរបាលស្រុកត្បូងឃ្មុំបានរំលឹកពីប្រវត្តិសំណុំរឿងនេះថា នៅថ្ងៃមិនចាំក្នុងខែកក្កដា ឆ្នាំ២០១៧ ឈ្មោះ វណ្ណា បានមកជួបឪពុកម្តាយរបស់នារីរងគ្រោះ និងបាននិយាយបញ្ចុះបញ្ជូលឱ្យកូនស្រីច្បងឈ្មោះ«ហ.ត.ណ» អាយុ២៨ឆ្នាំ ឱ្យទៅធ្វើការនៅប្រទេសម៉ាឡេស៊ី ។ ហេតុតែមានការទុកចិត្តនោះ អ្នកអាណាព្យាបាលបានព្រមឱ្យកូនស្រីរបស់ខ្លួនចេញទៅតាមរយៈមេខ្យល់ឈ្មោះ វណ្ណា ដោយរំពឹងថា និងបានលុយ ផ្ញើមកក្រុមគ្រួសារដោះស្រាយជីវភាព ។
លុះដល់ខែកុម្ភៈ ឆ្នាំ២០១៨ បុរសជាប់ចោទខាងលើ បានត្រឡប់មកស្រុកវិញ និងបានប្រាប់ដល់ឪពុកម្តាយរបស់នារី ហ.ត.ណ ថានាងទៅធ្វើការនៅប្រទេសម៉ាឡេស៊ី សុខសប្បាយទេ កុំឱ្យព្រួយបារម្ភអី ។ ហើយក៏បាននិយាយសុំយកកូនស្រីទី២ អាយុ១៨ឆ្នាំ របស់គ្រួសារនោះ ចេញទៅបន្តទៀត ។ ចំណែកម្តាយក៏បានយល់ព្រមឱ្យកូនស្រីទី២ អាយុ១៨ឆ្នាំនេះទៅជាមួយទៀត ។
លោកអធិការរងនគរបាលស្រុកត្បូងឃ្មុំបន្ថែមថា រហូតមកដល់ខែមេសា ឆ្នាំ២០១៨ ឪពុកម្តាយនៅឃុំពាមជីលាំង ស្រុកត្បូងឃ្មុំ បានទទួលដំណឹងពីកូនស្រីតាមទូរស័ព្ទមកថា «ចាប់តាំងពីពេលដែលពួកនាងចេញទៅដល់ម៉ាឡេស៊ី» ត្រូវបានឈ្មោះ វណ្ណា មិនឱ្យចេញទៅណានោះទេ ថែមទាំងបានវាយធ្វើបាបលើរាងកាយនឹងបង្ខំរួមរ័កថែមទៀត និងអះអាងថា យកពួកនាងពីរនាក់បងប្អូនធ្វើប្រពន្ធ ។ មិនតែប៉ុណ្ណោះ បានយកទូរស័ព្ទមិនឱ្យនិយាយមកលេងផ្ទះ សួរសុខទុក្ខឪពុកម្តាយ ព្រមទាំងចាប់កោសក់ពួកនាងទៀតផង ។
នារីជាកូនស្រីច្បង ក្រោយពីជននេះប្លន់ព្រហ្មចារីឆ្អែតឆ្អន់ហើយ ក៏បានឱ្យចេញទៅធ្វើការនៅតាមផ្ទះរបស់គេនៅម៉ាឡេស៊ី មិនបាននៅជាមួយនឹងបុរសនេះទេ ។ ចំណែកនាងប្អូនស្ថិតនៅក្នុងកន្លែងស្នាក់នៅរបស់បិសាចតណ្ហារូបនេះនៅឡើយ ។ ជនរូបនេះ ត្រូវបានឃាត់ខ្លួននៅល្ងាចថ្ងៃទី៣ សីហា ចោទប្រកាន់នាំពលករចេញមិនស្របច្បាប់ដោយមានគោលដៅ ។ ហើយពីរនាក់បងប្អូនស្រីៗនោះ កំពុងតែស្ថិតនៅប្រទេសម៉ាឡេស៊ី ត្រូវបានអង្គការមួយកំពុងតែអន្តរាគមន៍ ដើម្បីនាំពួកនាងត្រឡប់មកស្រុកកំណើតវិញហើយ ។ តាមប្រភពព័ត៌មានថា ជនរូបនេះកន្លងមកធ្លាប់មានប្រពន្ធ២នាក់ តែបានលែងលះគ្នាអស់ហើយ ៕
ចែករំលែកព័តមាននេះ