រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា មានរថយន្តមួយគ្រឿងបានបើកបរក្នុងល្បឿនលឿនទៅបុកក្បាលនាគពុះចែកទ្រូវផ្លូវយ៉ាងពេញទំហឹងធ្វើឱ្យបាក់អស់៣កង់ ក្រោយមកមានគេក៏ឃើញបុរសម្នាក់បើកទ្វារចេញក្នុងរថយន្តដែលជាតារាសម្តែង គឺលោក ញ៉ែម សុគន្ធ ដែលហេតុការណ៍នេះបង្កឱ្យមានការភ្ញាល់ផ្អើលកាលពីជាងម៉ោង១១យប់ម៉ិញនេះ។ បើតាមអ្នកឃើញហេតុការណ៍អះអាងថា…
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា មានរថយន្តមួយគ្រឿងបានបើកបរក្នុងល្បឿនលឿនទៅបុកក្បាលនាគពុះចែកទ្រូវផ្លូវយ៉ាងពេញទំហឹងធ្វើឱ្យបាក់អស់៣កង់ ក្រោយមកមានគេក៏ឃើញបុរសម្នាក់បើកទ្វារចេញក្នុងរថយន្តដែលជាតារាសម្តែង គឺលោក ញ៉ែម សុគន្ធ ដែលហេតុការណ៍នេះបង្កឱ្យមានការភ្ញាល់ផ្អើលកាលពីជាងម៉ោង១១យប់ម៉ិញនេះ។
បើតាមអ្នកឃើញហេតុការណ៍អះអាងថា លោកញ៉ែម សុគន្ធ ជាតារាសម្តែង និងជាពិធីករបានបើករថយន្តក្នុងល្បឿនលឿនបុកក្បាលនាគពុះចែកទ្រូងផ្លូវពេញទំហឹង បណ្តាលឱ្យបាក់ក្បាលនាគពុះចែកផ្លូវ៣កង់ និងរថយន្តខ្ទេចមួយកំណាត់មុខ ដែលហេតុការណ៍នេះកើតឡើងកាលពីម៉ោង១១និង១៥នាទីយប់ ថ្ងៃទី៥ ខែសីហា ឆ្នាំ២ឥ១៨ នៅតាមបណ្តោយផ្លូវម៉ៅសេទុង កែងនឹងផ្លូវ១៩៣ សង្កាត់ទួលស្វាយព្រៃ២ ខណ្ឌចំការមន។
ប្រភពពីអ្នករត់ម៉ូតូកង់បីដែលឈប់ចតនៅចំណុចនោះប្រាប់ថា មុនកើតហេតុគឺគាត់ឃើញរថយន្តបង្កម៉ាកហាយឡេនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2AK:5321 បើកក្នុងល្បឿនលឿនពីត្បូងទៅជើង លុះដល់កន្លែងកើតហេតុក៏ជ្រុលទៅបុកក្បាលនាគពុះចែកទ្រូងផ្លូវពេញទំហឹង បណ្តាលបាក់បែកក្បាលនាគពុះចែកផ្លូវ៣កង់ ចំណែករថយន្តបង្កខូចខាតមួយកំណាត់ខាងមុខទាំងស្រុងរហូតបើកទៅមុខលែងរួច រីឯអ្នកបើកបរងរបួសស្រាល។
ភ្លាមៗនោះអ្នកបើករថយន្តបង្កដែលជាតារាសម្តែង និងជាពិធីករបានបើកទ្វាររថយន្តចេញមកក្រៅ ហើយហៅរថយន្តមួយគ្រឿងទៀតមិនចាំម៉ាកដែលធ្វើដំណើរមកពីក្រោយរថយន្តលោកឱ្យឈប់ រួចក៏ឡើងជិះរថយន្តនោះគេចខ្លួនបាត់ស្រមោល បន្សល់ទុកតែរថយន្តនៅនឹងកន្លែងកើតហេតុ។
ក្រោយកើតហេតុ ក៏មានសមត្ថកិច្ចមូលដ្ឋាន និងជំនាញចរាចរណ៍ក្រុងចុះវាស់វែង និងស្ទូចយករថយន្តបង្កទៅរក្សាទុកការិយាល័យនគរបាលចរាចរណ៍ជើងគោកក្រុង រង់ចាំម្ចាស់រថយន្តបង្កចូលខ្លួនមកដោះស្រាយសងសំណងនៃការធ្វើឱ្យខូចខាតនូវទ្រព្យសម្បត្តិរដ្ឋតាមផ្លូវច្បាប់៕
ចែករំលែកព័តមាននេះ