ឮថា… ព្រោះតែប្រញាប់ដឹកកូនមកប្រឡង
- ព្រះសីហនុ
ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា គ្រោះថ្នាក់ចរាចរណ៍ដ៏រន្ធត់មួយ បានកើតឡើងកាលពីវេលាម៉ោង០៦ និង៥នាទីព្រឹកថ្ងៃទី០៦ សីហា នេះ ស្ថិតនៅមុខវិទ្យាល័យ ហ៊ុន…
ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា គ្រោះថ្នាក់ចរាចរណ៍ដ៏រន្ធត់មួយ បានកើតឡើងកាលពីវេលាម៉ោង០៦ និង៥នាទីព្រឹកថ្ងៃទី០៦ សីហា នេះ ស្ថិតនៅមុខវិទ្យាល័យ ហ៊ុន សែន វាលរេញ ក្នុងភូមិវាលមាស ឃុំវាលរេញ ស្រុកព្រៃនប់ រវាងរថយន្ត២គ្រឿងបុកគ្នាយ៉ាងពេញទំហឹង ។
សេចក្តីរាយការណ៍បន្តថា រថយន្តមួយគ្រឿងគឺម៉ាកកូរ៉ូឡា ពណ៌សំបកឪឡឹក មានស្លាកលេខភ្នំពេញ ២C-១០៩៧ អ្នកបើកឈ្មោះ ប្រុញ ប្រសិទ្ធិ អាយុ៤៣ឆ្នាំ ធ្វើការនៅក្រុមហ៊ុនម៉ុងឫទ្ធី មានទីលំនៅក្នុងភូមិតាពៅ ឃុំតានៃស្រុកព្រៃនប់ ខេត្តព្រះសីហនុ ដោយសារគាត់ប្រញាប់ដឹកកូនមកប្រលង ។ លុះមកដល់ចំណុចកើតហេតុ មិនដឹងបែបណា ក៏បានបុកជាមួយរថយន្តម៉ាកហ៊ីយ៉ាន់ដាយ ពណ៌.ស ពាក់ស្លាកលេខព្រៃវែង ៣A-០៨៨៥ អ្នកបើកបរបានគេចខ្លួនបាត់ហើយ ។
បច្ចុប្បន្ន ជនរងគ្រោះត្រូវបានបញ្ជូនមកសង្គ្រោះនៅគ្លីនិកឯកជនវាលរេញ ។ ដោយឡែគ វត្ថុតាងបានយកទៅរក្សាទុកនៅអធិការដ្ឋាននគរបាលស្រុកព្រៃនប់ រង់ចាំដោះស្រាយ ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ