ខេត្តស្វាយរៀង ៖ បុរសម្នាក់ចិត្តខ្លាំងគ្រាន់តែទាស់សម្តីគ្នាបន្តិចបន្តួចទាញកាំបិតប៉័ងតោកាប់ប្រហារ ទៅលើអ្នករួមការងារជាមួយគ្នាចំនួនពីកាំបិតបណ្តាលឲ្យរងរបួសធ្ងន់គួររន្ធត់។ បន្ទាប់មក ជនដៃដល់ត្រូវបាន នគរបាលក្រុងបាវិតចាប់ឃាត់ខ្លួន រីឯបុរសរងគ្រោះ ត្រូវសមត្ថកិច្ចបញ្ជូនទៅធ្វើការសង្គ្រោះបន្ទាន់នៅមន្ទីរពេទ្យ ឯកជននៅក្រុងបាវិត។…
ខេត្តស្វាយរៀង ៖ បុរសម្នាក់ចិត្តខ្លាំងគ្រាន់តែទាស់សម្តីគ្នាបន្តិចបន្តួចទាញកាំបិតប៉័ងតោកាប់ប្រហារ ទៅលើអ្នករួមការងារជាមួយគ្នាចំនួនពីកាំបិតបណ្តាលឲ្យរងរបួសធ្ងន់គួររន្ធត់។ បន្ទាប់មក ជនដៃដល់ត្រូវបាន នគរបាលក្រុងបាវិតចាប់ឃាត់ខ្លួន រីឯបុរសរងគ្រោះ ត្រូវសមត្ថកិច្ចបញ្ជូនទៅធ្វើការសង្គ្រោះបន្ទាន់នៅមន្ទីរពេទ្យ ឯកជននៅក្រុងបាវិត។ ហេតុការណ៍នៃការកាប់ប្រហារគ្នានេះ បានកើត ឡើងនៅថ្ងៃទី០៤ ខែសីហា ឆ្នាំ២០១៨ វេលាម៉ោង០៩ និង៤០នាទីព្រឹក នៅក្នុងមណ្ឌលកម្សាន្តបាវិត ស្ថិតនៅភូមិតាបិប សង្កាត់បាវិត ក្រុងបាវិត។
បើតាម សមត្ថកិច្ចបានឱ្យដឹងថា៖ ក្រោយពីបានទទួលបានព័ត៌មានពីសន្តិសុខ ដែលយាមនៅមណ្ឌលកម្សាន្តបាវិតថា មាន ករណីហិង្សាដោយចេតនាមួយ បានកើតឡើងបណ្តាលឲ្យមានអ្នករងរបួសធ្ងន់មក លោកអធិការដ្ឋាននគបាល ក្រុងបាវិត បានចាត់កម្លាំងជំនាញចុះទៅដល់កន្លែងកើតហេតុភ្លាមៗ និងធ្វើការឃាត់ខ្លួនជនសង្ស័យបានភ្លាមៗដែរ ។ ជនសង្ស័យឈ្មោះ សន សាមុត ភេទប្រុស អាយុ២១ឆ្នាំ មុខរបរកម្មកររោងចក្រ សាន់ហ្វេង មានទីលំនៅ ភូមិ ត្រពាំងថ្នា ឃុំរាជមន្ទីរ ស្រុកកំពង់រោទិ៍ ខេត្តស្វាយរៀង។
បើតាមភ្នាក់ងារសន្តិសុខបានឲ្យដឹងថា ជនសង្ស័យបាន យកកាំបិតប៉័ងតោទៅកាប់លើជនរងគ្រោះឈ្មោះ ថាំ បូរី ភេទប្រុស អាយុ៣០ឆ្នាំ មុខរបរកម្មកររោងចក្រ សាន់ហ្វេង ជាមួយគ្នាមានទីលំនៅភូមិក្រូច ឃុំជ្រុងពពេល ស្រុករំដួល ខេត្តស្វាយរៀង កាប់មួយកាំបិតត្រូវចំក្បាលខាងក្រោយ និងមួយកាំបិតចំកផ្នែកខាងឆ្វេងរងបួសធ្ងន់ធ្ងរហូរឈាមជោគដីដូចគេអារកមាន់។ ប្រភពខាងលើបានឱ្យដឹង ទៀតថា បន្ទាប់ពីចាប់ខ្លួនជនសង្ស័យហើយសមត្ថកិច្ចបាននាំខ្លូនជនសង្ស័យមកកាន់អធិការដ្ឋាននគរបាលក្រុង បាវិត ដើម្បីធ្វើការសាកសួរ។
នៅចំពោះមុខជនសង្ស័យបានឆ្លើយសារភាពថា ខ្លូនពិតជាបានយកកាំបិតប៉័ងតោទៅ កាប់លើជនរងគ្រោះពិតប្រាកដមែន មូលហេតុទាស់ពាក្យសម្តីគ្នាបន្តិចបន្តូច។ ក្រោយពីសាកសួរ ជនសង្ស័យ ត្រូវបានសមត្ថកិច្ចឃាត់ខ្លូននៅអធិការដ្ឋាននគរបាលក្រុងបាវិត ដើម្បីបំពេញសំណុំរឿង រួចបញ្ជូនមកកាន់ ការិយាល័យព្រហ្មទណ្ឌកម្រិតស្រាល នៃស្នងការដ្ឋាននគបាលខេត្តស្វាយរៀងចាត់ការបន្តនៅថ្ងៃទី៥ សីហា ២០១៨ តាមនីតិវិធីច្បាប់។ រីឯជនរងគ្រោះកំពុងសម្រាកព្យាបាល នៅមន្ទីរពេទ្យឯកជនក្រុងបាវិត៕
ចែករំលែកព័តមាននេះ