បង្ក្រាបជនជាតិថៃ៣នាក់ ក្នុងករណីជួញដូរ និងប្រើប្រាស់គ្រឿងញៀ.ន
- បន្ទាយមានជ័យ
ខេត្តបន្ទាយមានជ័យ ៖ លោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែត បានឲ្យដឹងថា នៅថ្ងៃសុក្រ ៧រោច ខែបឋមសាឍ…
ខេត្តបន្ទាយមានជ័យ ៖ លោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែត បានឲ្យដឹងថា នៅថ្ងៃសុក្រ ៧រោច ខែបឋមសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៣ ខែសីហា ឆ្នាំ២០១៨ វេលាម៉ោង៨យប់ ដោយមានការរាយការណ៍ពីម្ចាស់បន្ទប់ជួល ស្ថិតនៅភូមិ ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យថា៖
សង្ស័យមានមនុស្សប្រើប្រាស់ថ្នាំញៀននៅក្នុងបន្ទប់លេខ៦៧ នៅជាន់ទី០៣ (ជនជាតិថៃ) ពេលនោះកម្លាំងជំនាញនៃ អធិការដ្ឋាននគរបាលក្រុងប៉ោយប៉ែត ដឹកនាំដោយលោកផ្ទាល់បានចុះបង្ក្រាបជាក់ស្ដែង ដោយមានការចូលរួមពីលោក មេភូមិប៉ោយប៉ែត ហើយបានឃាត់ខ្លួនជនសង្ស័យបានចំនួន០៣នាក់ ជាជនជាតិថៃ។
លោកអធិការបានបន្តថា ជនសង្ស័យទាំង៣នាក់មានឈ្មោះ១-ឈ្មោះ អាក់ខា រាក់ដេត ភេទប្រុស អាយុ៤៤ឆ្នាំ មុខរបរគ្មាន ស្នាក់នៅបន្ទប់ជួល លេខ៦៧ ភូមិប៉ោតប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ២-ឈ្មោះ ឆាលួយ ខូកថង ភេទ ប្រុស អាយុ៥០ឆ្នាំ មុខរបរគ្មាន,៣-ឈ្មោះ ជិរ៉ាក់ផាន់ ជីរាក់សិនប៉ាក់វ៉ាត់ ភេទប្រុស អាយុ៤៣ឆ្នាំ មុខរបរ គ្មាន។
ជាមួយនឹងការបង្ក្រានេះ សមត្ថកិច្ចដកហូតបានវត្ថុតាមាន ម្សៅសថ្លាក្រាម ចំនួន១៥ថង់តូច,ថ្នាំគ្រាប់ ពណ៌ផ្ទៃមេឃ ចំនួន០១គ្រាប់ សង្ស័យ(ថ្នាំក្រវី) ,ថ្នាំគ្រាប់ wy ចំនួន៤១០គ្រាប់, ដែកកេះ ចំនួន០៨,ថង់កិបមាត់សម្រាប់ច្រកថ្នាំញៀន មួយចំនួន, បំពង់កែវចំនួន០២កំណាត់,ជញ្ជីងសម្រាប់ថ្លឹងចំនួន០១ ពណ៌ខ្មៅ,ទូរស័ព្ទចំនួន០៣គ្រឿង។
លិខិតឆ្លងដែនចំនួន០១ ,ប័ណ្ណប្រជាជនចំនួន០១ (ថៃ) ,លុយបាតចំនួន៥៣បាត (កាក់សុទ្ធ ),ប័ណ្ណបើកបរចំនួន០២, កាបូបដាក់លុយពណ៌សូកូឡា និងឯកសារមួយចំនួន។ ជនសង្ស័យរួមទាំងវត្ថុតាងត្រូវបានបញ្ជូនទៅកាន់ ស្នងការដ្ឋាននគរបាលខេត្ត ដើម្បីរៀបចំសំណុំរឿងតាមនីតិវិធី៕
ចែករំលែកព័តមាននេះ