ចិន ៖ តាមប្រភពព័ត៌មាន Shanghaiist បានឲ្យដឹងថា ស្ត្រីម្នាក់អាយុ៥៦ឆ្នាំ ធ្វើឲ្យមានការភ្ញាក់ផ្អើលដល់គ្រូពេទ្យ ដោយសារតែមានក្រួសក្នុងតម្រងនោមដល់ទៅជាង៣.០០០គ្រាប់។
អ្នកស្រី Zhang មកកាន់មន្ទីរពេទ្យមួយក្នុងស្រុក Changzhou ខេត្ត Jiangsu ព្រោះតែមានបញ្ហាឈឺខ្នង និងក្តៅខ្លួនអស់ពេញមួយសប្តាហ៍។ ក្រោយពីបានធ្វើការពិនិត្យរួច គ្រូពេទ្យបានរកឃើញថា អ្នកស្រីមានគ្រាប់ក្រួសក្នុងតម្រងនោម ដោយត្រូវធ្វើការវះកាត់។
ក្រោយពីធ្វើការវះកាត់រួច គ្រូពេទ្យបានយកគ្រាប់ក្រួសចេញពីក្នុងតម្រងនោម ដែលមានចំនួនសរុបជិត៣០០០គ្រាប់។ ដោយសារតែចង់ដឹងច្បាស់ គ្រូពេទ្យក៏នាំគ្នារាប់ម្តងមួយៗ ហើយក៏ឃើញថា មានចំនួន ២៩៨០គ្រាប់។
ចំនួននេះអាចនឹងធ្វើឲ្យយើងគិតថា អាចជាប់កំណត់ត្រាពិភពលោក Guinness បានហើយ។ តែតាមពិតនោះ គឺធ្លាប់មានអ្នកកើតក្រួសច្រើនជាងនេះទៅទៀត។ កាលពីឆ្នាំ២០០៩ អ្នកជំងឺជនជាតិឥណ្ឌាម្នាក់ មានគ្រាប់ក្រួសតម្រងនោមដល់ទៅ ១៧២១៥៥គ្រាប់៕
ចែករំលែកព័តមាននេះ