ខេត្តកំពត ៖ កម្លាំងសមត្ថកិច្ចនគរបាលការិយាល័យប្រឆាំងបទល្មើសគ្រឿងញៀននៃស្នងការដ្ឋាននគបាលខេត្តកំពតជំហ៊ានដំបូងដឹកនាំបង្ក្រាបពី លោកវរសេនីយ៍ត្រីស្វាយ ប្រុស អធិការនគរបាលស្រុកដងទង់ បានដឹកនាំកម្លាំងចុះបង្ក្រាប មុខសញ្ញាចែកចាយគ្រឿងញៀនមួយកន្លែង ក្នុងស្រុកដងទង់ កាលពីវេលាម៉ោង១១និង១០នាទីព្រឹកថ្ងៃទី០៤…
ខេត្តកំពត ៖ កម្លាំងសមត្ថកិច្ចនគរបាលការិយាល័យប្រឆាំងបទល្មើសគ្រឿងញៀននៃស្នងការដ្ឋាននគបាលខេត្តកំពតជំហ៊ានដំបូងដឹកនាំបង្ក្រាបពី លោកវរសេនីយ៍ត្រីស្វាយ ប្រុស អធិការនគរបាលស្រុកដងទង់ បានដឹកនាំកម្លាំងចុះបង្ក្រាប មុខសញ្ញាចែកចាយគ្រឿងញៀនមួយកន្លែង ក្នុងស្រុកដងទង់ កាលពីវេលាម៉ោង១១និង១០នាទីព្រឹកថ្ងៃទី០៤ ខែសីហា ឆ្នាំ២០១៨ នៅចំណុចឡ១០ ស្ថិតក្នុងភូមិដំណាក់ត្រយឹង ឃុំឃ្ជាយខាងត្បូង ស្រុកដងទង់ ខេត្តកំពត ។
ឃាត់ខ្លួនជនសង្ស័យបានម្នាក់ឈ្មោះ នៅ វុទ្ធី ភេទប្រុស អាយុ២៥ឆ្នាំ រស់នៅភូមិត្រពាំងព្រីង ឃុំទូកមាសខាងកើត ស្រុកបន្ទាយមាស ខេត្តកំពត ។ វត្ថុតាងរឹបអូសបានម្សៅក្រាម ពណ៌សថ្លាចំនួន៦កញ្ចប់ធំ និង៧កញ្ចប់តូច ដែលមានទម្ងន់១៥ .១០ ក្រាម ជញ្ជីងថ្លឹងថ្នាំញៀន១ គ្រឿង កូនថង់សម្រាប់ច្រកថ្នាំមួយចំនួនធំ លុយខ្មែរចំនួន១៧៣០០រៀល ។
ជំហ៊ានបន្ទាប់ ពីឃាត់ខ្លួនជនសង្ស័យជាមុខសញ្ញាខាងលើបានហើយ កម្លាំងសមត្ថកិច្ចបានធ្វើការសាកសួរ រួចនៅវេលាម៉ោង១២និង៤០នាទីថ្ងៃត្រង់ ថ្ងៃដដែលបានបន្តចុះទៅបង្ក្រាបមុខសញ្ញានៅស្រុកអង្គរជ័យ និងក្នុងខេត្តតាកែវ តាមចម្លើយរបស់ជនសង្ស័យដែលដឹកនាំដោយលោកវរសេនីយ៍ទោ លក ញ៉ាវ នាយការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្ត និងមានការសម្រួ លនីតិវិធីដោយ លោក ជ័យ រឹទ្ធី ព្រះរាជអាជ្ញារងអមសាលាដំបូងខេត្ត ។
ការចុះបង្ក្រាបក្នុងជំហ៊ានបន្ទាប់នោះនៅចំណុចភូមិពោធិ៍ ឃុំភ្នំកុង ស្រុកអង្គរជ័យ ដែលឃាត់ ខ្លួនជនសង្ស័យម្នាក់ឈ្មោះ ទូច ភារិន ភេទប្រុស អាយុ២២ឆ្នាំ រស់នៅភូមិស្គរទូង ឃុំភ្នំកុង ស្រុកអង្គរជ័យ ខេត្តកំពត ។ ដែលដកហូតវត្ថុតាងថ្នាំញៀន ២កញ្ចប់តូច ។ បន្ទាប់មកនៅវេលាម៉ោង១៤និង៣០នាទីរសៀលថ្ងៃទី០៤ ខែសីហា ឆ្នាំ២០១៨ កម្លាំងសមត្ថកិច្ចបានបន្តចុះបង្ក្រាបនៅចំណុចភូមិត្រពាំងត្របែក ឃុំត្រាំកក់ ស្រុកត្រាំកក់ ខេត្តតាកែវ បានឃាត់ខ្លួនជនសង្ស័យជាមុខសញ្ញាជួញដូរ និងប្រើប្រាស់ប្រុសស្រីចំនួន៥នាក់ រឹបអូសវត្ថុតាងថ្នាំញៀនចំនួន៥៩កញ្ចប់ ក្នុងនោះចំនួន២៤កញ្ចប់ធំ ។
លោកវរសេនីយ៍ទោ លក ញ៉ាវ បានឲ្យដឹងថា ជនសង្ស័យទាំង៥នាក់ ដែលឃាត់ខ្លួនបានក្នុងស្រុកត្រាំកក់ ខេត្តតាកែវមានឈ្មោះ ១- ឈ្មោះ ញ៉េប ស្រី ភេទស្រី អាយុ៥៣ឆ្នាំ រស់នៅភូមិត្រពាំងត្របែក ឃុំត្រាំកក់ ស្រុកត្រាំកក់ ខេត្តតាកែវ ។ ២- ឈ្មោះ ញ៉េប អៀច ភេទស្រី អាយុ ៥០ឆ្នាំ នៅភូមិត្រពាំងត្របែក ឃុំត្រាំកក់ ស្រុកត្រាំកក់ ខេត្តតាកែវ ។ ៣ – ឈ្មោះ ណម វល័ក្ខ ភេទប្រុស អាយុ២២ឆ្នាំ នៅភូមិតាតៃ ឃុំញ៉ែញ៉ង់ ស្រុកត្រាំកក់ ខេត្តតាកែវ ។ ៤- ឈ្មោះ ណម សារុណ ភេទប្រុស អាយ២២ឆ្នាំ នៅភូមិឃុំខេត្តដូចគ្នា ។ ៥ – ឈ្មោះ ប៉ោះ ពាន ភេទប្រុស អាយុ២៩ឆ្នាំ នៅភូមិខ្លោងទ្វារ ឃ៉ុំរនាម ស្រុកត្រាំង ខេត្តតាកែវ ។
លោកបានបន្តទៀតថា ជនសង្ស័យដែលសមត្ថកិច្ចឃាត់ខ្លួនទាំង៧នាក់ រួម និងវត្ថុតាងថ្នាំញៀនកំពុងត្រូវបានការិយាល័យប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធី បន្ទាប់ពីធ្វើការសាកសួររួចរាល់ ៕
ចែករំលែកព័តមាននេះ