កុមារថៃជាប់ក្នុងរូងភ្នំចាកសិក្ខាបទ
ប្រទេសថៃ ៖ កុមារថៃ១១នាក់ក្នុងចំណោមកុមារថៃ១២នាក់ ជាប់ក្នុងរូងភ្នំទឹកជន់លិចដែលសាងផ្នួស បានលាចាកសិក្ខាបទវិញហើយ កាលពីថ្ងៃទី៤ សីហា ឆ្នាំ២០១៨ នៅវត្ត PHRA…
ប្រទេសថៃ ៖ កុមារថៃ១១នាក់ក្នុងចំណោមកុមារថៃ១២នាក់ ជាប់ក្នុងរូងភ្នំទឹកជន់លិចដែលសាងផ្នួស បានលាចាកសិក្ខាបទវិញហើយ កាលពីថ្ងៃទី៤ សីហា ឆ្នាំ២០១៨ នៅវត្ត PHRA THAT DOI TUNG ស្រុក MAE SAI ខេត្តឈៀងរ៉ៃ។
កុមារថៃទាំងនេះបានបញ្ចប់ការសាងផ្នួសរយៈពេល១១ថ្ងៃ ដែលការបួសរបស់ពួកគេគឺជាការសងគុណដល់អ្នកមុជទឹកថៃម្នាក់ដែលបានស្លាប់ពេលធ្វើប្រតិបត្តិការជួយពួកគេចេញពីរូងភ្នំ។
មានអាយុពី១១ទៅ១៦ឆ្នាំកុមារ១២នាក់ជាសមាជិកក្រុមបាល់ទាត់ជ្រូកព្រៃ ជាប់ក្នុងរូងភ្នំទឹកលិចចាប់ពីថ្ងៃទី២៣ មិថុនា ហើយមួយចំនួនជាប់រហូតដល់ថ្ងៃទី១០ កក្កដា ទើបនាំចេញបាន ក្រោយស្ថិតក្នុងរូងភ្នំថាមលួង ដាច់អាហារ៩ថ្ងៃ និងដាច់ការទាក់ទងពីខាងក្រៅ។ ក្រោយការសង្គ្រោះពួកគេ និងគ្រូបង្វឹកបាល់ទាត់ម្នាក់់ចេញបានដ៏អស្ចារ្យ និងក្រោយស្ថិតក្នុងមន្ទីរពេទ្យរយៈពេលមួយសប្ដាហ៍ ពួកគេបានទៅនៅក្នុងវត្តមួយហើយបួសនៅទីនោះ ទើបសឹកនាថ្ងៃទី៤ សីហា។
ការបួសរបស់ពួកគេ គឺដើម្បីជាការឧទ្ទិសកុសលដល់អតីតសមាជិកកងកុំម្មង់ដូនៃកងម៉ារីនថៃមួយរូប ដែលស្លាប់ពេលចូលរួមក្នុងប្រតិបត្តិការជួយសង្គ្រោះពួកគេចេញពីរូងភ្នំ៕
ចែករំលែកព័តមាននេះ