រាជធានីភ្នំពេញ ៖ លោកសុខ ឥសាន អ្នកនាំពាក្យគណបក្សប្រជាជនកម្ពុជាបានហៅការ ចេញថ្លែងការណ៍របស់បណ្តាប្រទេសមួយចំនូនចំពោះការបោះឆ្នោតនៅកម្ពុជាកន្លងមកនេះ មិនបានបង្ហាញពីភាពសន្យានុម័តដូចអ្វីដែលកើនឡើងនោះទេ ។
ការលើកឡើងរបស់អ្នកនាំពាក្យគណបក្សប្រជាជនកម្ពុជា បន្ទាប់ពីបណ្តាប្រទេសមួយចំនួនបានចេញថ្លែងការណ៍សោកស្តាយចំពោះការបោះឆ្នោតនៅកម្ពុជា និងថា ការបោះឆ្នោតក្លែងក្លាយ ។
លោក សុខ ឥសាន បញ្ជាក់ឲ្យដឹងនៅថ្ងៃទី0៣ សីហា ឆ្នាំ២០១៨ ថា នៅក្នុងសកលលោកមិនបានប្រកាន់និន្នាការនយោបាយដូចគ្នានោះទេ សម្រាប់ប្រទេសនីមួយៗ ។ លោកថា នៅលើពិភពលោកនេះគ្មានការឯកភាពគ្នានោះទេ វាមានចម្រុះជាតិសាសន៍និន្នាការនយោបាយ និងមនោគមន៍វិជ្ជា អីញ្ចឹងការវាយតម្លៃមិនដូចគ្នា អាហ្នឹងវាជារឿងធម្មតានៅលើកពិភពលោក ដែលមានប្រជាធិបតេយ្យសេរី ។
លោកបានបន្តថា ក្នុងនាមជាអ្នកនាំពាក្យគណបក្សប្រជាជនកម្ពុជាយើងសង្កេតឃើញថា ការវាយតម្លៃបែងចែកជាពីរគឺ ការវាយតម្លៃពីបស្ចិមប្រទេសមួយចំនួនដែលកាន់របបលទ្ធិប្រជាធិបតេយ្យនោះមិនប្រកបដោយប្រជាធិបេត្យនោះទេ ។ ការវាយតម្លៃរបស់ប្រទេសប្រជាធិបតេយ្យនេះមិនបានផ្សាយភ្ជាប់ និងសភាពជាក់ស្តែងរបស់ប្រទេសនានាក៏ដូចជា ប្រទេសកម្ពុជានេះមិនអាចទុកជាលក្ខណៈប្រជាធិបតេយ្យទេ គឺជាការលាបពណ៌ ឬជាការប៉ាន់ប្រមាណ ។ លោកសុខ ឥសាន បានគូសបញ្ជាក់ថា« នៅបណ្តាប្រទេសលោកខាងលិចមិនបានបញ្ជូនអ្នកមកពិនិត្យជាក់ស្តែងនៃដំណើរការបោះឆ្នោតនៅកម្ពុជានោះទេ ។ ក៏ប៉ុន្តែគាត់បានហ៊ានវាយតម្លៃដោយស្មានៗអីញ្ចឹងទេ គាត់វាយតម្លៃមិនផ្សាយភ្ជាប់ និងការពិតជាក់ស្តែងទេ ! អីញ្ចឹងទេ យើងមិនអាចយកជាការពិតបានទេ » ។
ទាក់ទិននឹងការថ្លែងការណ៍បោះឆ្នោតនៅកម្ពុជារបស់បណ្តាប្រទេសមួយចំនួននេះត្រូវបានអ្នកនាំពាក្យគណបក្សកាន់អំណាចក៏បានលើកឧទាហរណ៍ប្រៀបដូចជា វេជ្ជាបណ្ឌិតម្នាក់ដែលបានព្យាបាលអ្នកជំងឺទាំងមិនបានឃើញអ្នកជំងឺ ។ លោកក៏បានលើកឡើងថា វាយតម្លៃរបស់បណ្តាប្រទេសទាំងនេះកម្ពុជាមិនអាចទទួលបាននោះទេ ដូចជា បណ្តាប្រទេសលើពិភពលោកមួយចំនួនទៀតក៏មិនអាចទទួលយកបានទេ ។ ផ្ទុយទៅបណ្តាប្រទេសដែលមានចាត់បញ្ជូនអ្នកសង្កេតការណ៍មកសង្កេតការណ៍នៅកម្ពុជា គឺយកជាបានការសម្រាប់ការបោះឆ្នោតនៅកម្ពុជា ។ លោកបន្ថែមថា ការវាយតម្លៃពីក្រៅប្រទេសមិនបានបង្ហាញសន្យានុម័តដូចអ្នកវាយតម្លៃនៅក្នុងប្រទេសនោះទេព្រោះថា អ្នកសង្កេតការណ៍បានដឹងពីសភាពការណ៍ជាក់ស្តែង ហើយលទ្ធផលដែលចេញពីបោះឆ្នោតសុទ្ធតែយកមកពីការិយាល័យទូទាំងប្រទេសទាំងអស់ដែលភ្នាក់ងារគណបក្សនយោបាយបានទទួលស្គាល់ ។
លោកគូសបញ្ជាក់ថា៖«តួលេខមកពីការរិយាល័យជាង២ម៉ឺន ការិយាល័យនេះតួលេខពិតប្រាកដវាឆ្លុះបញ្ចាំងពីឆន្ទៈប្រជាពលរដ្ឋកម្ពុជាដែលជាម្ចាស់លទ្ធិប្រជាធិបតេយ្យនៅកម្ពុជា ។ អីញ្ចឹងដូចជា ទណ្ឌិតសម រង្ស៊ី ឬមេក្លោងរបស់គេថា ការបោះឆ្នោតនៅកម្ពុជាក្លែងក្លាយខ្ញុំយល់ថាអាអ្នកនិយាយនឹងក្លែងក្លាយ» ។ ជាមួយគ្នានោះដែរលោក សុខ ឥសាន ក៏បានហៅការវាយតម្លៃរបស់សម រង្ស៊ី ពីក្រៅប្រទេសមិនជាការពិតនោះទេ ព្រោះថា ការបោះឆ្នោតជាការសម្ងាត់មានការតាមដានសង្កេតការណ៍ពីភ្នាក់ងារគណបក្សនយោបាយ និងអ្នកសង្កេតការណ៍ជាតិ និងអន្តរជាតិយ៉ាងច្រើន ។
ដោយសារតែពេលចាប់ផ្តើមបើកទ្វាការិយាល័យភ្លាមមានប្រជាពលរដ្ឋឈរតម្រង់ជួរនៅការិយាយល័យ ដើម្បីបោះឆ្នោតមានសណ្តាប់ធ្នាប់រៀបរយល្អ ។ លោកសុខ ឥសាន បានអះអាងថា ទោះបីជាអ្នកណានិយាយពីខាងមកក៏ដោយក៏កម្ពុជាធ្វើអ្វីៗទៅតាមច្បាប់តែប៉ុណ្ណោះ ។
គួរបញ្ជាក់ថា ក្រោយពីការបោះឆ្នោតមានប្រទេសមួយចំនួនបានវាយតម្លៃចំពោះការបោះឆ្នោតកម្ពុជាដូចជា ប្រទេសកាណាដា,សហរដ្ឋអាមេរិក ,អូស្ដ្រាលី,សហភាពអឺរ៉ុប ៕
ចែករំលែកព័តមាននេះ