ខេត្តកំពង់ឆ្នាំង៖ បុរសជាជាងជួសជុលរថយន្តម្នាក់ដេកស្លាប់នៅក្នុងបន្ទប់ផ្ទះជួលបង្កឱ្យមានការភ្ញាក់ផ្អើលកាលពីវេលាម៉ោង៨និង៣០នាទីព្រឹកថ្ងៃទី៤ ខែសីហា ឆ្នាំ២០១៨ ស្ថិតនៅក្នុងភូមិត្រពាំងចឹក្សា សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង។ លោក ម៉ា…
ខេត្តកំពង់ឆ្នាំង៖ បុរសជាជាងជួសជុលរថយន្តម្នាក់ដេកស្លាប់នៅក្នុងបន្ទប់ផ្ទះជួលបង្កឱ្យមានការភ្ញាក់ផ្អើលកាលពីវេលាម៉ោង៨និង៣០នាទីព្រឹកថ្ងៃទី៤ ខែសីហា ឆ្នាំ២០១៨ ស្ថិតនៅក្នុងភូមិត្រពាំងចឹក្សា សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង។
លោក ម៉ា យន់ អធិការរងនគរបាលក្រុងកំពង់ឆ្នាំងបានឱ្យដឹងថា ជនរងគ្រោះដែលស្លាប់ឈ្មោះ ដាញ់ បុព្វតា ភេទប្រុស អាយុ៣៨ឆ្នាំ មុខរបរជាជាងជួសជុលរថយន្តនៅយានដ្ឋានម្តុំសួនច្បារដំរីស (ជនរងគ្រោះមានជម្ងឺប្រចាំកាយ និងធ្លាប់វះកាត់ក្រលៀនកាលពី១០ឆ្នាំមុន) ។ ជនរងគ្រោះមានទីលំនៅក្នុងភូមិព្រៃខ្មែរ ឃុំរលាប្អៀរ ស្រុករលា ប្អៀរខេត្តកំពង់ឆ្នាំង និងបានមកស្នាក់នៅក្នុងបន្ទប់ជួល ក្នុងភូមិសង្កាត់កើតហេតុខាងលើ ។
ប្រភពដដែលបានឱ្យដឹងទៀតថា នៅព្រឹកថ្ងៃទី៤ ខែសីហា នេះ ជាងជួសជុលរថយន្តជាមួយបុរសខាងលើ បានទូរសព្ទ័ទៅជនរងគ្រោះ ដើម្បីឱ្យមកជួលជុលរថយន្តឱ្យគេ តែទូរសព្ទ័ចូលគ្មានអ្នកលើក ដោយមាន
ចម្ងល់គាត់ក៏បានទូរស័ព្ទហៅក្រុមគ្រួសារបុរសរងគ្រោះទៅមើលដល់បន្ទប់ជួល ។ ពេលនោះទាំងម្ចាស់ផ្ទះជួល និងក្រុមគ្រួសារជនរងគ្រោះបាននាំគ្នាស្រែកហៅ និងគោះទ្វារខ្លាំងៗ តែបុរសរងគ្រោះមិនឆ្លើយ
ឡើយ ក៏សម្រេចចិត្តនាំគ្នាវាយកញ្ចក់បន្ទប់ជួល ហើយយកដងអំបោសគោះដៃជនរងគ្រោះនៅតែមិនព្រមភ្ញាក់ ទើបដឹងថាជនរងគ្រោះបានស្លាប់បាត់ទៅហើយ មិនដឹងតាំងពីពេលណានោះទេ ហើយក៏រាយការណ៍ទៅនគរបាលប៉ុស្តិ៍រដ្ឋបាលកំពង់ឆ្នាំងដើម្បីចុះមកពិនិត្យ។
បន្ទាប់មកសមត្ថកិច្ចចំរុះរួមមាននគរបាលបច្ចេកទេសក្រុងកំពង់ឆ្នាំង នគរបាលបច្ចេកទេសខេត្តកំពង់ឆ្នាំង លោកគ្រូពេទ្យខេត្តកំពង់ឆ្នាំង អាជ្ញាធរសង្កាត់ និងម្ចាស់ផ្ទះជួល ព្រមទាំងគ្រួសារជនរងគ្រោះបានចូលរួមមើលការធ្វើកោលសល្យវិច្ច័យពិនិត្យសពជនរងគ្រោះ ហើយខាងគ្រូពេទ្យបានឱ្យដឹងថា ជនរងគ្រោះបានស្លាប់ដោយសារជម្ងឺខ្លួនឯង សង្ស័យលើសឈាម ឬគាំងបេះដូងបេះជាដើម មិនមានគ្រោះថ្នាក់ដោយកត្តាអ្វីក្រៅពីនេះទៀតឡើយ ។
ក្រោយមក សមត្ថកិច្ចក៏បានប្រគល់សពជូនក្រុមគ្រួសារជនរងគ្រោះដើម្បីយកទៅធ្វើបុណ្យតាមប្រពៃណីនៅលំនៅដ្ឋាន ៕
ចែករំលែកព័តមាននេះ