ការខឹងក្រោធនេះបើកើតមានក្នុងអ្នកណាហើយងាយនឹងអន្តរាយខ្លាំងណាស់ ដូច្នេះគប្បីរៀនរម្ងាប់សេចក្តីក្រោធនេះឱ្យអស់ ឬឱ្យស្រាលចុះក៏ជាការល្អ គឺកុំឱ្យត្រាំងនៅក្នុងខន្ធសន្តានតទៅទៀត វាគ្រោះថ្នាក់ណាស់ ។
សេចក្តីក្រោធធ្វើឱ្យចិត្តមិនបានសម្រាក, សេចក្តីក្រោធជាលក្ខណៈរបស់មនុស្សពាល, សេចក្តីក្រោធមិនល្អសោះឡើយ, សេចក្តីក្រោធទុកដូចជាច្រែះស៊ីដែក, សេចក្តីក្រោធនាំទៅរកសេចក្តីវិនាស, គ្មានការចាប់ចងឯណាស្មើនឹងទោសៈទេ, គ្មានកំហុសណាស្មើនឹងក្រោធទោសៈទេ, ជនដែលក្រោធសូម្បីតែឪពុកម្តាយខ្លួនឯងក៏ហ៊ានសម្លាប់, ជនដែលក្រោធរមែងមិនដឹងនូវផលទាំងឡាយ, អ្នកក្រោធរមែងមិនឃើញនូវហេតុទាំងឡាយ, មនុស្សក្រោធតែងដេកកើតទុក្ខជានិច្ច, អ្នកដែលមានសេចក្តីក្រោធចូលលុកលុយហើយតែងបំផ្លាញនូវផលប្រយោជន៍ដែលខ្លួនមាន ។
នេះគឺជាពុទ្ធភាសិតខ្លះៗក្នុងចំណោមពុទ្ធភាសិតជាច្រើនទៀតដែលព្រះសម្ពុទ្ធទ្រង់បង្ហាញអំពីទោសនៃសេចក្តីក្រោធ ដែលពោរពេញទៅដោយអន្តរាយដោយប្រការផ្សេងៗ។
ចែករំលែកព័តមាននេះ