ខេត្តបន្ទាយមានជ័យ ៖ ព័ត៌មានបឋមឲ្យដឹងថា កាលពីវេលាម៉ោង៦ និង៣០នាទីព្រឹកថ្ងៃទី០៣ សីហា ២០១៨នេះ មានជនបរទេសអង្គុយស្លាប់នៅចំណុចខាងក្រោយកាស៊ីណូ ក្រោនដាយអឹមិនស៊ីធី ស្ថិតនៅភូមិប៉ោយប៉ែត…
ខេត្តបន្ទាយមានជ័យ ៖ ព័ត៌មានបឋមឲ្យដឹងថា កាលពីវេលាម៉ោង៦ និង៣០នាទីព្រឹកថ្ងៃទី០៣ សីហា ២០១៨នេះ មានជនបរទេសអង្គុយស្លាប់នៅចំណុចខាងក្រោយកាស៊ីណូ ក្រោនដាយអឹមិនស៊ីធី ស្ថិតនៅភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
សាកសពឈ្មោះ KOMSAN THUANGSOONGNERM ភេទប្រុស អាយុ៤៩ឆ្នាំ ជាជនជាតិថៃ រស់នៅខេត្តនគរាជសីមា ប្រទេសថៃ កាន់អត្តសញ្ញាណប័ណ្ណលេខ3 3019000 27838 កាន់ប៉ាស្ព័រលេខ AA8811956 ចុះថ្ងៃទី១៧ សីហា ឆ្នាំ២០១៧ និងចូលមកកម្ពុជាចុងក្រោយថ្ងៃទី១២ តុលា ឆ្នាំ២០១៧។ តាមសាក្សីម្ចាស់ផ្ទះបាន ប្រាប់សមត្ថកិច្ចឲ្យដឹងថា ជារៀងរាល់ថ្ងៃគាត់(ម្ចាស់ផ្ទះ)តែងតែបានឃើញបុរស ជនជាតិថៃរូបនេះដើរកាត់ និងធ្លាប់មកអង្គុយលេងទីនេះញឹកញាប់ ដែលជនរងគ្រោះនោះ គាត់មានអាការៈញ័រៗដូចមនុស្សញៀនថ្នាំ។
លុះម៉ោង៦ និង៣០នាទីព្រឹក ថ្ងៃកើតហេតុ គាត់បានទៅបើកទ្វារឃើញបុរសរងគ្រោះដើរចូលមកអង្គុយនៅលើកៅអីនេះ ក្រោយមកគាត់ក៏បានបោស សម្អាតផ្ទះ និងបានហៅជនរងគ្រោះឲ្យចេញ តែជនរងគ្រោះមិនកម្រើកទេ។ ឃើញដូច្នោះគាត់បានហៅគេ ឲ្យជួយមើល ទើបដឹងថា ជនជាតិថៃម្នាក់នោះស្លាប់បាត់ទៅហើយ គឺស្លាប់អង្គុយលើកៅអី។
ក្រោយកើតហេតុ សមត្ថកិច្ចគ្រប់ជំនាញ បានចុះទៅធ្វើការត្រួតពិនិត្យ ដោយបានសន្និដ្ឋានថា សាកសពពិតជាស្លាប់ដោយសារជំងឺ (រលៀកពោះវៀន ខ្សោះជាតិទឹក ហូរលាមក លាយសំបោរ) ហើយសពត្រូវបានគណៈកម្មការសម្រេចតម្កល់នៅវត្តមួយក្នុងក្រុងប៉ោយប៉ែត ដើម្បីរង់ចាំក្រុមគ្រួសារនាំយកទៅធ្វើបុណ្យតាមប្រពៃណី៕
ចែករំលែកព័តមាននេះ