ខេត្តបន្ទាយមានជ័យ ៖ មិនដឹងថា ពួកគេត្រូវមូសខាំ ឬរងាយ៉ាងណា រួមទាំងបញ្ហាសុខភាព ជាពិសេសគ្រោះអវិជ្ជានាពេលអនាគត ព្រោះមើលឃើញនឹងភ្នែករាល់យប់ និងពេលថ្ងៃទៅហើយ។ ក្មេងៗអាណាថាដែលដើរសុំទាន…
ខេត្តបន្ទាយមានជ័យ ៖ មិនដឹងថា ពួកគេត្រូវមូសខាំ ឬរងាយ៉ាងណា រួមទាំងបញ្ហាសុខភាព ជាពិសេសគ្រោះអវិជ្ជានាពេលអនាគត ព្រោះមើលឃើញនឹងភ្នែករាល់យប់ និងពេលថ្ងៃទៅហើយ។
ក្មេងៗអាណាថាដែលដើរសុំទាន ហិតកាវ និងដេកតាមវាលស្មៅ ព្រមទាំងសំយ៉ាបតៀមនៅក្រុងប៉ោយប៉ែត គឺគេឃើញកើតមានជាដដែលៗមិនអាចទប់ស្កាត់បាន។ ហើយអ្វីដែលគួរឲ្យអាណិតទៀតនោះ មានក្មេងខ្លះត្រូវដើររើសកាកសំណល់ដូចជាម្ហូបអាហារ ឬផ្លែឈើតាមធុងសំរាមយកទៅបរិភោគ ហើយខ្លះមានហូបចុកដោយសារការរើសអេតចាយលក់។
មិនត្រឹមតែប៉ុណ្ណេះទេ គឺពេលថ្ងៃក្មេងអាណាថាដើរហិតកាវឡើងព្រោងព្រៀតក្នុងទីប្រជុំជនមួយនេះ មើលទៅពិតជាគួរឲ្យពិបាកភ្នែកមើលណាស់។ ក្មេងៗអណាថាទាំងនេះ ពេលយប់ខ្លះដេកតាមតូបលក់ដូរ និងខ្លះទៀតដេកតាមវាលស្មៅ ថែមទាំងសំយ៉ាបតៀមគេនៅប្លុកកាស៊ីណូ។
ហើយកន្លងមក គេចាំបានថា នគរបាលក្រុងប៉ោយប៉ែត បានប្រមូលក្មេងអាណាថាបានមួយចំនួនយកទៅអប់រំ ដើម្បីកុំឲ្យដើរហិតកាវប្រសេចប្រសាច និងទៅចូលតាមតៀមកាហ្វេរបស់គេដែរ។ ចំណែកឯអង្គការដៃគូមួយចំនួនក៏បានជួយយកក្មេងអាណាថាជាច្រើននាក់ទៅរស់នៅតាមមណ្ឌល ដើម្បីឲ្យបានរៀនសូត្រនៅជំនាញ ឬវិជ្ជាជីវៈផ្សេងៗផងដែរ ប៉ុន្តែមិនដឹងថា យ៉ាងដូចម្តេច បែរជាគេឃើញមានក្មេងៗអាណាថានៅតែដើរដេកអាណាធិបតេយ្យព្រោងព្រៀតដដែល៕
ចែករំលែកព័តមាននេះ