ខេត្តព្រៃវែង ៖ បើតាមសេចក្តីរាយការណ៍បានឱ្យដឹងថា បុរសម្នាក់បានចង.កធ្វើអត្តឃាតខ្លួនឯងរហូតស្លាប់បាត់បង់ជីវិត ហេតុការណ៍នេះបង្កឱ្យមានការភ្ញាក់ផ្អើលដល់ប្រជាពលរដ្ឋនាំគ្នារត់ទៅចោមរោមមើលកាលពីម៉ោង៣និង៤០នាទីល្ងាច ថ្ងៃទី២ ខែសីហា ឆ្នាំ២០១៨ នៅចំណុចខ្ទមចាំស្រូវមួយកន្លែង ស្ថិតនៅចម្ងាយ៦០០ម៉ែត្រ…
ខេត្តព្រៃវែង ៖ បើតាមសេចក្តីរាយការណ៍បានឱ្យដឹងថា បុរសម្នាក់បានចង.កធ្វើអត្តឃាតខ្លួនឯងរហូតស្លាប់បាត់បង់ជីវិត ហេតុការណ៍នេះបង្កឱ្យមានការភ្ញាក់ផ្អើលដល់ប្រជាពលរដ្ឋនាំគ្នារត់ទៅចោមរោមមើលកាលពីម៉ោង៣និង៤០នាទីល្ងាច ថ្ងៃទី២ ខែសីហា ឆ្នាំ២០១៨ នៅចំណុចខ្ទមចាំស្រូវមួយកន្លែង ស្ថិតនៅចម្ងាយ៦០០ម៉ែត្រ ខាងលិចភូមិព្រៃក្រឡាញ់តូច ឃុំព្រៃស្រឡិត ស្រុកពារាំង ។
ជនរងគ្រោះខាងលើឈ្មោះ ហង្ស ហយ ភេទប្រុស អាយុ៣៧ឆ្នាំ មានទីលំនៅក្នុងភូមិ-ឃុំកើតហេតុខាងលើ។
បើតាមសមត្ថកិច្ចបានឱ្យដឹងថា ក្រោយពីពិនិត្យកន្លែងកើតហេតុ និងពិនិត្យលើដងខ្លួនជនរងគ្រោះរកឃើញថា នេះជាករណីធ្វើអត្តឃាត មិនមែនជាករណីឃាតកម្មនោះទេ ដោយជនរងគ្រោះបានយកខ្សែភ្លើងប្រវែង១,៥ម៉ែត្រទៅចង.កសម្លាប់ខ្លួន ជាមួយនឹងធ្នឹមដំបូលខ្ទមចាំស្រូវកន្លែងកើតហេតុ ខណៈពេលស្ងាត់គ្មានអ្នកណាដឹង។
ប្រភពដដែលបញ្ជាក់ថា ក្រោយពីសាកសួរព័ត៌មានពីក្រុមគ្រួសារជនរងគ្រោះ សមត្ថកិច្ចបានសន្និដ្ឋានថា មូលហេតុដែលជនរងគ្រោះចង.កសម្លាប់ខ្លួន គឺដោយសារ តូចចិត្តរឿងរកស៊ីយូរៗទៅជំពាក់បំណុលគេកាន់តែច្រើន ទើបសម្រេចចិត្តចង.កសម្លាប់ខ្លួន ដើម្បីគេចពីបំណុល៕
ចែករំលែកព័តមាននេះ