ហេតុការណ៍​លិច​នាវា​នៅ​ភូ​កេ​ត​ប៉ះពាល់​ការ​លូតលាស់​


ភូ​កេ​ត ៖ ហេតុការណ៍​លិច​នាវា​នៅ​ភូ​កេ​ត (Phuket) កាលពី​ខែកក្កដា បាន​ចាប់ផ្តើម​បង្ក​ផល​ប៉ះពាល់​ដល់​វិស័យ​ទេសចរណ៍​របស់​ប្រទេស​ថៃ បន្ទាប់​ពី​ចំនួន​ភ្ញៀវ​ទេសចរ​ចិន​ចាប់ផ្តើម​ធ្លាក់​ចុះ ។ ការ​លិច​នាវា​កាលពី​ថ្ងៃ​ទី​៥ ខែកក្កដា កន្លង​មកនេះ បាន​ធ្វើ​ឲ្យ​ជន​ជាតិ​ចិន​ចំនួន​៤៧​នាក់​បាត់បង់​ជីវិត ។

អភិបាល​អាជ្ញាធរ​វិស័យ​ទេសចរណ៍​របស់​ប្រទេស​ថៃ លោក Yuthasak Supakorn បាន​ឲ្យ​ដឹង​ថា ៖« ហេតុការណ៍​នេះ​បាន​ប៉ះពាល់​ដល់ទី​ផ្សារ​ទេសចរណ៍ បន្ទាប់​ពី​ចំនួន​ភ្ញៀវ​ទេស​ចរ​ចិន​កើនឡើង​បាន​តែ​០,០៤%​ប៉ុណ្ណោះ​កាលពី​ខែ​ក​ក្កកដា ទាប​ជាង​កាលពី​ខែ​មិថុនា ដែល​កើនឡើង​២០% » ។

ប្រជាពលរដ្ឋ​ចិន​ជា​ច្រើន​បាន​បង្ហាញ​ភាព​មិន​ប្រាកដប្រជា​ទៅ​លើ​សុវត្ថិភាព​វិស័យ​ទេសចរណ៍​ប្រទេស​ថៃ ។

អាជ្ញាធរ​វិស័យ​ទេសចរណ៍​ថៃ (TAT) នឹង​រក្សា​ការ​ព្យាករ​លើ​ចំនួន​ភ្ញៀវ​ទេសចរ​ចិន​ប្រមាណ​១០​លាន​នាក់​ដដែល​សម្រាប់​ឆ្នាំ​នេះ ប៉ុន្តែ​លោក Yuthasak បាន​ឲ្យ​ដឹង​ថា នៅ​ពាក់កណ្តាល​ខែសីហា​នេះ លោក​នឹង​ធ្វើ​ដំណើរ​ទៅ​កាន់​ក្រុង​ប៉េ​កាំ​ង ដើម្បី​ពិភាក្សា​ពី​ការ​បង្កើន​វិធានការ​សុវត្ថិភាព​និង​សន្តិសុខ ជា​ពិសេស ក្នុង​ផ្នែក​ទេសចរណ៍​សមុទ្រ ជាមួយ​មន្ត្រីជាន់ខ្ពស់​មក​ពី​រដ្ឋបាល​ទេសចរណ៍​ជាតិ និង​ក្រសួង​វប្បធម៌​របស់​ប្រទេស​ចិន ។

គួរ​បញ្ជាក់​ថា ប្រទេស​ចិន​បាន​ក្លាយជា​ប្រភព​សំខាន់​ជាងគេ​សម្រាប់​ទីផ្សារ​ទេសចរណ៍​របស់​ថៃ ។ គេ​គិត​ថា ទីផ្សារ​ទេសចរណ៍​ពី​ចិន​នឹង​ផ្តល់​ប្រាក់​ចំណូល​ដល់​ប្រទេស​ថៃ​ប្រមាណ​៦​ប៊ី​លាន​ដុល្លារ​នៅ​ឆ្នាំ​២០១៨ ។

ក្នុងអំឡុងពេល​៥​ខែ​ដំបូង​ឆ្នាំ​នេះ ទីផ្សារ​នេះ​រក​ប្រាក់​ចំណូល​បាន​ប្រមាណ​៣​ប៊ី​លាន​ដុល្លារ ព្រោះតែ​កំណើន​អ្នកដំណើរ​ម្នាក់ឯង ដែល​ភាគច្រើន​ពួក​គេ​បាន​ចំណាយ​ច្រើន​ជាង​ភ្ញៀវ​ទេសចរ​មក​ជា​ក្រុម ។

អាជ្ញាធរ TAT ក៏​មាន​គម្រោង​ស្នើ​ដល់​មន្ត្រី​ជាប់​ពាក់ព័ន្ធ និង​ក្រុមហ៊ុន​ទេសចរណ៍​ក្នុង​ប្រទេស​ចិន ឲ្យ​ជួយ​ពង្រឹង និង​លើកកម្ពស់​ការ​ធ្វើ​ដំណើរ​ទៅ​វិញ​ទៅ​មករ​វាង​ប្រទេស​ថៃ​និង​ចិន រួម​ទាំង​សហការ​ក្នុង​យុទ្ធនាការ​ផ្សព្វផ្សាយ​ផង​ដែរ ។

លោក Yuthasak បាន​បន្ត​ថា លោក​នឹង​ជំរុញ​ឲ្យ​មានការ​បង្កើត​មជ្ឈមណ្ឌល​សុវត្ថិភាព​ទេសចរណ៍​ជាតិ ដើម្បី​តាមដាន និង​គ្រប់គ្រង​បញ្ហា​ឲ្យ​មាន​ប្រសិទ្ធភាព​ជាង​មុន ។ ក្រសួង​ទេសចរណ៍ និង​កីឡា បាន​ពិចារណា​លើ​សំណើ​បង្កើត​មជ្ឈមណ្ឌល​នេះ ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​អន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ