ខេត្តរតនះគីរី ៖ ក្មេងប្រុសជំទង់ម្នាក់ឡើងដើមឈើយកកូនសត្វជាប់បង្គោលភ្លើងត្រូវចរន្តដែលចេញពីខ្សែភ្លើងឆក់ធ្លាក់ដីរងរបួសធ្ងន់ ។ ហេតុការណ៍នេះបានកើតឡើងនៅវេលាម៉ោង១១និង៣០នាទីព្រឹក ថ្ងៃទី២ ខែសីហា ឆ្នាំ២០១៨ ចំណុចកើតហេតុក្នុងភូមិទំពួនរឺងធំ ឃុំតាវែងក្រោម…
ខេត្តរតនះគីរី ៖ ក្មេងប្រុសជំទង់ម្នាក់ឡើងដើមឈើយកកូនសត្វជាប់បង្គោលភ្លើងត្រូវចរន្តដែលចេញពីខ្សែភ្លើងឆក់ធ្លាក់ដីរងរបួសធ្ងន់ ។ ហេតុការណ៍នេះបានកើតឡើងនៅវេលាម៉ោង១១និង៣០នាទីព្រឹក ថ្ងៃទី២ ខែសីហា ឆ្នាំ២០១៨ ចំណុចកើតហេតុក្នុងភូមិទំពួនរឺងធំ ឃុំតាវែងក្រោម ស្រុកតាវែង ។
បើតាមរបាយការសមត្ថកិច្ចស្រុកតាវែងបានអោយសាព័ត៌មានដឹងថា ជនរងគ្រោះមានឈ្មោះ ម៉ក់ ម៉ាញ ភេទប្រុស អាយុ១៦ឆ្នាំ មុខរបរសិស្ស រស់នៅភូមិ-ឃុំកើតហេតុខាងលើ ។
សមត្ថកិច្ចបានបន្តទៀតថា នៅមុនកើតហេតុជនរងគ្រោះបានឃើញសម្បុកសត្វមួយមិនដឹងជាសត្វអ្វីនៅលើចុងឈើមានកម្ពស់ជាង១០ម៉ែត្រ ហើយនៅក្បែរដើមឈើនោះមានបង្គោលភ្លើងនៅក្បែរប្រហែលកន្លះម៉ែត្រពេលជនរងគ្រោះឡើងចុងឈើបានតែ៥ទៅ៦ម៉ែត្រត្រូវបានចរន្តខ្សែភ្លើងឆក់ធ្លាក់ដីតែម្ដង ។
ពេលធ្លាក់មកដល់ដីជនរងគ្រោះបានបោកក្បាលនឹងគល់ឈើបណ្ដាលអោយជនរងគ្រោះរយះក្បាលយ៉ាងធំ និងធ្លាក់ពីលើចុងឈើដែលមានកម្ពស់៥ទៅ៦ម៉ែត្រយ៉ាងដូច្នេះបណ្ដាលអោយជនរងគ្រោះថែមមួយជាន់ទៀតនឹងរងរបូសធ្ងន់ ។
បើតាមការត្រួតពិនិត្យរបស់សមត្ថកិច្ចលើស្នាមរបួសលទ្ធផលឃើញថា មានស្នាមរយះក្បាលលើថ្ងាសមានប្រវែងមួយចង្អុលដៃ និងខ្ទាំពេញខ្លួនដោយសារធ្លាក់ពីលើចុងឈើហើយត្រូវបានបងប្អូនសាច់ញាតិដឹកទៅសង្គ្រោះនៅមណ្ឌលសុខភាពស្រុកតាវែងទាន់ពេលវេលា ហើយពេលនេះជនរងគ្រោះបានរួចផុតពីសេចក្ដីស្លាប់ហើយ ។
បើតាមព័ត៌មានពីប្រជាពលរដ្ឋដែលបានឃើញហេតុការផ្ទាល់បានអោយដឹងថា នៅពេលជនរងគ្រោះកំពុងឡើងដើមឈើនោះមេឃមានភ្លៀងតិចៗហើយដើមឈើនោះវាជាប់នឹងបង្គោលភ្លើងតែកន្លះម៉ែត្រប៉ុណ្ណោះ សំណាងហើយដែលខ្សែភ្លើងមិនឆក់ជាប់ហើយត្រូវនាក់ជិតខាងគេឃើញទាន់កុំអីជនរងគ្រោះស្លាប់បាត់បង់ជីវិតដោយគ្មាននណាម្នាក់ដឹងឡើយ ៕
ចែករំលែកព័តមាននេះ