ខេត្តមណ្ឌលគិរី ៖ តាមសេចក្តីរាយការណ៍បានឲ្យដឹងថា គ្រាប់សេសសល់ពីសម័យសង្គ្រាមត្រូវបានប្រជាពលរដ្ឋប្រទះឃើញ បង្ករការភ្ញាក់ផ្អើលដល់អ្នកភូមិកាលពីព្រឹកថ្ងៃទី២ សីហា ២០១៨ នៅចំណុចផ្ទះឈ្មោះ ស្រី អូន ស្ថិតនៅភូមិអូរអាម ឃុំស្រែខ្ទុម ស្រុកកែវសីមា។
សមត្ថកិច្ចបានឲ្យដឹងថា ប្រជាពលរដ្ឋគ្រាប់ប្រភេទ (MK៨២) ចំនួន១គ្រាប់ដែលមិនទាន់ផ្ទុះ ហើយបច្ចុប្បន្នកម្លាំងអធិការដ្ឋាននគរបាលស្រុកកែវសីមា បានណែនាំឲ្យម្ចាស់ផ្ទះមានការប្រុងប្រយ័ត្នកុំប៉ះពាល់ខ្លាចមានគ្រោះថ្នាក់ ។ ដោយឡែកចំពោះគ្រាប់នេះសមត្ថកិច្ចបានរាយការណ៍អោយខាងកម្លាំងស៊ីម៉ាក់មកយកហើយ។
លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរីបានផ្តាំផ្ញើរដល់ប្រជាពលរដ្ឋត្រូវមានការប្រុងប្រយ័ត្នឲ្យបានខ្ពស់ មិនត្រូវប៉ះពាល់នៅពេលប្រទះឃើញគ្រាប់សង្ស័យគ្រប់ប្រភេទ ជាពិសេសមិនត្រូវយកគ្រាប់ទាំងនោះទៅដោះឬកែច្នៃឡើយ។ហើយត្រូវរាយការណ៏ជាបន្ទាន់ដល់មន្ត្រីជំនាញ ឬសមត្ថ
កិច្ចដែលនៅជិតបំផុត ដើម្បីបង្ការគ្រោះថ្នាក់កើតឡើងជាយថាហេតុ។
លោកឧត្តមសេនីយ៍ស្នងការក៏បានផ្តាំដល់បងប្អូនប្រជាពលរដ្ឋដែលមានកូនតូចៗត្រូវប្រាប់ពីរបៀបការពារខ្លួន នឹងហាមកុំឲ្យលេងឬប៉ះពាល់គ្រាប់បែកនានាផងដែរ៕
ចែករំលែកព័តមាននេះ