ខេត្តកំពង់ធំ ៖ សេចក្តីរាយការណ៍បឋមបានឲ្យដឹងថា នារី២នាក់ និងយុវជនម្នាក់ កាលពីថ្ងៃទី១ សីហា ត្រូវបានសមត្ថកិច្ចនគរបាលខេត្តកំពង់ធំឃាត់ខ្លួន ពាក់ព័ន្ធការចោទប្រកាន់ថា បានលួចជរ័កៅស៊ូក្រុមហ៊ុនវៀតណាម…
ខេត្តកំពង់ធំ ៖ សេចក្តីរាយការណ៍បឋមបានឲ្យដឹងថា នារី២នាក់ និងយុវជនម្នាក់ កាលពីថ្ងៃទី១ សីហា ត្រូវបានសមត្ថកិច្ចនគរបាលខេត្តកំពង់ធំឃាត់ខ្លួន ពាក់ព័ន្ធការចោទប្រកាន់ថា បានលួចជរ័កៅស៊ូក្រុមហ៊ុនវៀតណាម ។
ជនសង្ស័យជានារី២នាក់ខាងលើ ម្នាក់ឈ្មោះ ធី ស្រីអូន អាយុ២៦ឆ្នាំ និងម្នាក់ទៀតឈ្មោះ ធី អែនជី អាយុ១៦ឆ្នាំ ពួកគេ២នាក់មានទីលំនៅភូមិព្រែកកាទែន ឃុំស្វាយប្រទាល ស្រុកស្អាង ខេត្ត កណ្តាល ។ នារីទាំង២នាក់នេះជាកម្មករជៀជរ័កៅស៊ូឲ្យក្រុមហ៊ុនវៀតណាម (បារៀ) ដែលបានធ្វើសកម្មភាពលួចជរ័កៅស៊ូបង្កកនៅក្នុងចានចំនួន១២គីឡូក្រាម ហើយត្រូវបានសន្តិសុខក្រុមហ៊ុនឃាត់ខ្លួន បានបញ្ជូនទៅកាន់អធិការដ្ឋាននគរបាលស្រុកសន្ទុក ដើម្បីចាត់វិធានការតាមច្បាប់ ។
ចំណែកជនសង្ស័យជាយុវជនម្នាក់ឈ្មោះ អាត វឹត អាយុ១៩ឆ្នាំ មានទីលំនៅភូមិបឹងល្វា ឃុំបឹងល្វា ស្រុកសន្ទុក ខេត្តកំពង់ធំ ត្រូវបានសន្តិសុខក្រុមហ៊ុនកៅស៊ូវៀតណាមឈ្មោះ(ភឿកហ្វា) ឃាត់ខ្លួនកាលពីថ្ងៃទី១ សីហា ដែរ ដែលយុវជនរូបនោះបានធ្វើសកម្មភាពលួចជរ័កៅស៊ូបង្កក ក្នុងចានក្នុងចំការកៅស៊ូក្រុមហ៊ុនវៀតណាម (ភឿកហ្វា) ។
ជនសង្ស័យប្រុសស្រីទាំង៣នាក់ដែលរងនូវការចោទប្រកាន់ពីបទលួច ហើយអាចសមត្ថកិច្ចកសាងសំណុំរឿងបញ្ជូនទៅកាន់សាលាដំបូងខេត្តតាមនីតិវិធីទៀតផង ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ