ខេត្តឧត្តរមានជ័យ ៖ យុវជនម្នាក់រងរបួសធ្ងន់ធ្ងរដាច់ជើងទាំង២ និងរយះខ្លួនប្រាណដោយគ្រោះថ្នាក់ជាន់មីនផ្ទុះនៅចំណុច(លូ៣)ចន្លោះបង្គោលព្រំដែនលេខ២៧-២៨ ស្ថិតក្នុងភូមិថ្មរមៀល ឃុំគោករមៀត ស្រុកថ្មពួក ខេត្តបន្ទាយមានជ័យ កាលពីវេលាម៉ោង២និង៤០នាទីរសៀលថ្ងៃទី១ ខែសីហា…
ខេត្តឧត្តរមានជ័យ ៖ យុវជនម្នាក់រងរបួសធ្ងន់ធ្ងរដាច់ជើងទាំង២ និងរយះខ្លួនប្រាណដោយគ្រោះថ្នាក់ជាន់មីនផ្ទុះនៅចំណុច(លូ៣)ចន្លោះបង្គោលព្រំដែនលេខ២៧-២៨ ស្ថិតក្នុងភូមិថ្មរមៀល ឃុំគោករមៀត ស្រុកថ្មពួក ខេត្តបន្ទាយមានជ័យ កាលពីវេលាម៉ោង២និង៤០នាទីរសៀលថ្ងៃទី១ ខែសីហា ឆ្នាំ២០១៨ ។
លោកមេបញ្ជាការវរសេនាតូចនគរបាលការពារព្រំដែនគោកបានឲ្យដឹងថា ជនរងគ្រោះឈ្មោះ អឿន នី ភេទប្រុស អាយុ២០ឆ្នាំ រស់នៅភូមិរំដួលចាស់ ឃុំអំពិល ស្រុកបន្ទាយអំពិល ខេត្តឧត្តរមានជ័យ។
តាមប្រភពព័ត៌មានបានឱ្យដឹងថា មុនពេលកើតហេតុ ជនរងគ្រោះខាងលើបានទៅដាក់អន្ទាក់សត្វ នៅចំណុចខាងលើ ហើយបានដើរជាន់មីនដែលកប់សម័យសង្គ្រាមបណ្តាលឲ្យផ្ទុះរងបួសដាច់ជើងឆ្វេង និងជើងស្តាំ ហើយរបួសខ្លួនប្រាណដាច់រយះរហែកធ្ងន់ធ្ងរទៀតផង រួចត្រូវក្រុមគ្រួសារបញ្ជូនទៅសង្គ្រោះនៅមន្ទីរពេទ្យបង្អែកស្រុកថ្មពួក ដោយសាររបួសធ្ងន់ធ្ងរពេលក៏ត្រូវបានបញ្ជូនបន្តទៅសង្គ្រោះមន្ទីរពេទ្យខេត្តមិត្តភាពកម្ពុជា-ជប៉ុនមង្គលបូរី ខេត្តបន្ទាយមានជ័យ ៕
ចែករំលែកព័តមាននេះ