គួរជឿទេដែលថា ប្រជ្រុយក៏មានអានុភាពទាក់ទាញស្រីៗនិងមានភ័ព្វសំណាងដែរនោះ។ តាមកំពូលហោរចិនសែបានទស្សន៍ទាយមុននេះបន្តិចថា ប្រជ្រុយមិនមែនត្រឹមតែជាស្នាមក្រឡៅមួយប្រភេទដ៏គួរទាក់ទាញប៉ុណ្ណោះទេ តែ ប្រជ្រុយក៏អាចបញ្ជាក់ពីខ្លឹមសារជាច្រើននៃជីវិតផងដែរ ពិសេសជោគវាសនា និងលាភសំណាងរបស់មនុស្សម្នាក់ៗ ។
ប្រិយមិត្តសាកល្បងពិនិត្យមនុស្សប្រុសដែលមានប្រជ្រុយ ដូចខាងក្រោមលមើលនឹងបានដឹង ហើយស៊ែរទៅប្រាប់សាមីខ្លួនឱ្យបានដឹងផង៖
១-ប្រជ្រុយនៅលើរបស់ឯកជន ប្រសិនបើបុរសណាមានប្រជ្រុយនៅលើប្រដាប់បន្តពូជ បុរសនោះនឹងមានភាពទាក់ទាញខ្លាំង ពិសេសនៅពេលគេហាមាត់និយាយទៅរកនារីណាទោះជាក្នុងសម្តីធម្មតាក៏ធ្វើឱ្យនាងចាប់អារម្មណ៍ក្នុងន័យជ្រៅ រហូតចងចាំជាប់ក្នុងចិត្ត។ ទៅថ្ងៃអនាគតត្រូវបានគ្រូហោរព្យាករថាជាមនុស្សដែលមានជីវិតសប្បាយរីករាយ និងរស់នៅដោយភាពសុខស្រួល ហើយប្រជ្រុយនេះនឹងលើករាសីគេឱ្យមានឥទ្ធិពលទាក់ទាញកាន់តែខ្លាំង ឬអាចនិយាយបានថាជាមនុស្សប្រុសឆ្វាក់ស្រី ពោលគឺទៅដល់ទីណាតែងមានស្រីៗចោមស្រលាញ់នៅទីនោះ។
២-ប្រជ្រុយនៅចន្លោះរោមចិញ្ចើម បុរសណាមានប្រជ្រុយនៅត្រង់ចំណុចនេះជាជំពូកមនុស្សលេចធ្លោ និងមានភាពទាក់ទាញបំផុត ដោយសារតែស្នាមញញឹម និងភាពរួសរាយរាក់ទាក់របស់ខ្លួនធ្វើឱ្យនាងៗបាក់ចិត្តមិនតិចនាក់ទេ។ មនុស្សប្រុសដែលមានលក្ខណៈពិសេសបែបនេះកម្រនឹងមានណាស់ អាចចាត់ថា ភាគច្រើនជាមនុស្សជោគជ័យក្នុងជីវិតទាំងផ្នែកជ្រើសរើសគូគាប់ និងសុភមង្គល ។
៣-ប្រជ្រុយនៅបំពង់កខាងឆ្វេង បុរសណាមានប្រជ្រុយនៅត្រង់ចំណុចនេះ បង្ហាញថាជាបុរសពោរពេញទៅដោយប្រជាប្រិយភាពច្រើន និងជាមនុស្សជោគជ័យក្នុងការជ្រើសរើសគូជីវិតដ៏មានសិរី ។
៤-ប្រជ្រុយនៅបបូរមាត់ខាងលើ បុរសណាមានប្រជ្រុយនៅលើបបូរមាត់ ត្រូវបានគ្រូហោរអះអាងថា ជាមនុស្សមានភ័ព្វសំណាងលើសអ្នកផងទាំងពួង ក្រោយមានគូគាប់តាមក្តីប្រាថ្នារួចហើយ គេនឹងទទួលបានទ្រព្យសម្បត្តិច្រើន លើកកិត្តិយសកេរ្តិ៍ឈ្មោះរស់នៅដោយសុខសាន្តពេញមួយជីវិត ។
៥-នៅលើចង្កា បើបុរសណាមានប្រជ្រុយក្រហមនៅលើចង្កា អាចបញ្ជាក់បានថា ជាមនុស្សចិត្តទូលាយ និងបានជាទីស្រឡាញ់ចូលចិត្តពីនារីៗជាច្រើន រហូតនាងៗខ្លះខកចិត្តតែម្នាក់ដោយសារតែភាពរួសរាយរាក់ទាក់ដ៏ទាក់ទាញរបស់គេ។ ទៅថ្ងៃអនាគតជាមនុស្សមានសំណាងច្រើន ពិសេសមានឥទ្ធិពលលើការជ្រើសរើសគូស្នេហ៍មកធ្វើជាមិត្តមួយរយឆ្នាំ ។
ចែករំលែកព័តមាននេះ