ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនបានចូលរួមសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់គោកចក និងកម្លាំងប៉ុស្តិ៍នគរបាលរដ្ឋបាលសង្កាត់ស្លក្រាម ចុះ បង្ក្រាបបទជួញដូរ និងចាត់ចែងឱ្យប្រើប្រាស់ដោយខុសច្បាប់នូវសារធាតុញៀន ឈានដល់ធ្វើការឃាត់ខ្លួនបានជនសង្ស័យចំនួន២នាក់ រួចនាំយកមកសួរនាំនៅការិយាល័យជំនាញ ដើម្បីរៀបចំកសាងសំណុំរឿង បញ្ជូនទៅតុលាការខេត្តចាត់ការតាមផ្លូវច្បាប់ ។ ហេតុការឃាត់ខ្លួន ធ្វើឡើងនៅវេលាម៉ោង១៦និង០០នាទីល្ងាច ថ្ងៃទី៣១ ខែកក្កដា ឆ្នាំ២០១៨ ស្ថិតនៅភូមិគោកបេង សង្កាត់គោកចក និងភូមិបឹងដូនប៉ា សង្កាត់ស្លក្រាម ក្រុង-ខេត្តសៀមរាប ។
តាមប្រភពពីសមត្ថកិច្ចនគរបាលគ្រឿងញៀនខេត្តបានប្រាប់ថា ជនសង្ស័យទាំង២នាក់ទី១-ឈ្មោះ អុល ណារ៉ាត់ ភេទប្រុស អាយុ២៤ឆ្នាំ មុខរបរគ្មាន ទីលំនៅភូមិគោកបេង សង្កាត់គោកចក ក្រុង-ខេត្តសៀមរាប (ជួញដូរ និងចាត់ចែង) និង២- ឈ្មោះ ឡេង សុធា ភេទប្រុស អាយុ២៧ឆ្នាំ មុខរបរគ្មាន ទីលំនៅភូមិបឹងដូនប៉ា សង្កាត់ស្លក្រាម ក្រុង-ខេត្តសៀមរាប (រក្សាទុក និងចាត់ចែង) ។
ក្រោយពីកម្លាំងនគរបាលជំនាញបានធ្វើការឃាត់ខ្លួនក្នុងនោះបានដកហូតវត្ថុតាងរួមមាន៖ម្សៅមេតំហ្វេតាមីនប្រភេទទឹកកកចំនួន១៦កញ្ចប់ ស្មើនឹងទម្ង ន់២,២ក្រាម ទាំងសំបករួម និងឧបករណ៍ប្រើប្រាស់គ្រឿងញៀនមួយចំនួន ទូរស័ព្ទដៃ០៣គ្រឿង ។
បច្ចុប្បន្នជនសង្ស័យទាំង២នាក់ និងវត្ថុតាងត្រូវបានកម្លាំងជំនាញរៀបចំកសាងសំណុំរឿងបញ្ចូនទៅសាលាដំបូងខេត្ត ដើម្បីចាត់ការទៅតាមផ្លូវច្បាប់ ៕
ចែករំលែកព័តមាននេះ