តាមប្រភពព័ត៌មាន Manchester Evening News បានឲ្យដឹងថា ក្លឹបមេឃខៀវកំពុងតែមានការព្រួយបារម្ភថា Riyad Mahrez អាចចូលប្រកួតទាន់ពេលបើករដូវកាលឬអត់ ព្រោះទើបតែរងរបួស.កជើងនៅក្នុងការប្រកួតត្រៀមបើករដូវកាលជាមួយនឹង Bayern នៅថ្ងៃទី២៩ ខែកក្កដា ។
នៅនាទីទី២៧ Riyad Mahrez ដែលមានតម្លៃខ្លួន ៦០លានផោន បានដួលរបួស.កជើង ក្រោយពេលប៉ះគ្នាជាមួយនឹងខ្សែការពាររបស់គូប្រកួត Chris Richards ហើយត្រូវរកកីឡាករជំនួស ។
វាជាបញ្ហាសម្រាប់អ្នកចាត់ការក្លិប លោក Guardiola ដោយសារតែក្លឹបត្រូវត្រៀមខ្លួនសម្រាប់ការប្រកួត Community Shield នៅថ្ងៃអាទិត្យក្រោយ និងការប្រកួត Premier League ដំបូងជាមួយនឹង Arsenal នៅសប្តាហ៍ក្រោយ ។
លោក Guardiola បានប្រាប់ថា លោកមិនដឹងពីព័ត៌មានលម្អិតនៃរបួសហ្នឹងទេ តែលោកបារម្ភពីការចាប់ផ្តើមរដូវកាលថ្មី ។
លោកកំពុងតែព្រួយពីបញ្ហាកីឡាកររងរបួស និងកីឡាករមិនទាន់មកពី World Cup វិញ តែអ្នកចាត់ការម្នាក់នេះក៏សប្បាយចិត្តដែរដែលកីឡាករផ្សេងទៀតលេងបានល្អនៅក្នុងការប្រកួតត្រៀមបើករដូវកាលនៅអាមេរិក ៕
ចែករំលែកព័តមាននេះ