ចិននឹងក្លាយជាទីផ្សារធំផ្នែករថយន្តអគ្គិសនី
នៅឆ្នាំ២០៣៥មកដល់ ចិននឹងក្លាយទៅជាទីផ្សារយក្សសម្រាប់ការលក់រថយន្តអគ្គិសនី។ យោងតាមការសិក្សាថ្មីចុងក្រោយរបស់ Fuji Keizai ដែលចេញផ្សាយដោយ Nikkei Asian Review បានឲ្យដឹងថា…
នៅឆ្នាំ២០៣៥មកដល់ ចិននឹងក្លាយទៅជាទីផ្សារយក្សសម្រាប់ការលក់រថយន្តអគ្គិសនី។ យោងតាមការសិក្សាថ្មីចុងក្រោយរបស់ Fuji Keizai ដែលចេញផ្សាយដោយ Nikkei Asian Review បានឲ្យដឹងថា…
នៅឆ្នាំ២០៣៥មកដល់ ចិននឹងក្លាយទៅជាទីផ្សារយក្សសម្រាប់ការលក់រថយន្តអគ្គិសនី។ យោងតាមការសិក្សាថ្មីចុងក្រោយរបស់ Fuji Keizai ដែលចេញផ្សាយដោយ Nikkei Asian Review បានឲ្យដឹងថា នៅឆ្នាំ២០៣៥ ចិននឹងទិញរថយន្តអគ្គិសនីទៅប្រើប្រាស់ដល់ជាងពាក់កណ្តាលនៃចំនួនលក់ក្នុងពិភពលោក ។
គេរំពឹងថា អតិថិជនចិននឹងទិញរថយន្តអគ្គិសនីយកទៅប្រើដល់ទៅ៦០% នៃចំនួនរថយន្តទាំងអស់លើលោក ។ សម្រាប់ទីផ្សាររថយន្តអគ្គិសនីពិភពលោក គេរំពឹងថា នឹងអាចឡើងដល់១១,២៥លានគ្រឿងនៅឆ្នាំ២០៣៥ គឺច្រើនជាងពេលបច្ចុប្បន្នដល់ទៅ១៥ដង ។
ក្នុងចំណោមរថយន្តទាំងនោះ រថយន្តចំនួន៦,៤២លានគ្រឿងនឹងយកទៅប្រើប្រាស់នៅប្រទេសចិន ។ ទីផ្សារអឺរ៉ុបជាប់លេខ២បន្ទាប់ពីចិន ដែលនឹងមានរថយន្តអគ្គិសនី២,១៧លានគ្រឿង ខណៈទីផ្សារអាមេរិកខាងជើង ជាប់លេខ៣ (១,១៦លានគ្រឿង) ។
ប្រទេសចិនបានដាក់បទប្បញ្ញតិ្តតឹងតែងទៅលើការប្រើប្រាស់រថយន្ត ។ គេជំរុញឲ្យពលរដ្ឋប្រើប្រាស់រថយន្តដែលអាចជួយកាត់បន្ថយភាពកខ្វក់បរិស្ថាន និងមិនបញ្ចេញផ្សែងផងដែរ ។
ប្រទេសនៅបណ្តាទ្វីបអឺរ៉ុប ក៏បានរឹតបន្តឹងដល់ថ្នាក់ហាមមិនឲ្យមានរថយន្តថ្មីណាប្រើប្រាស់ម៉ាស៊ីនប្រេងសាំងធម្មតាទៀតនៅរយៈពេល១០ឆ្នាំខាងមុខ ។ បទប្បញ្ញត្តិថ្មីរបស់ចិន បានធ្វើឲ្យក្រុមហ៊ុនផលិតរថយន្តជាច្រើននាំគ្នាគិតគូរវិនិយោគលើការផលិតរថយន្តអគ្គិសនី ដើម្បីប្រជែងគ្នាលក់ក្នុងទីផ្សារដ៏ធំមួយនេះ ។
ការសិក្សានេះ គេឃើញថា ចិនក៏នឹងក្លាយជាទីផ្សារធំជាងគេក្នុងការប្រើប្រាស់រថយន្ត Hybrid ដោតខ្សែសាកថ្ម (Plug-in) ដែរ ។ គេរំពឹងថា នឹងមានរថយន្ត Hybrid ដោតខ្សែសាកថ្ម ដល់ទៅ៤,៦៥លានគ្រឿងលក់នៅចិនក្នុងឆ្នាំ២០៣៥ ។ ជាថ្មីម្តងទៀត អឺរ៉ុបនឹងនៅលំដាប់ទី២ (៣,៨១លានគ្រឿង) និងអាមេរិកខាងជើង នៅលំដាប់ទី៣ (២,៤៧លានគ្រឿង) ។
ដោយឡែក សម្រាប់រថយន្ត Hybrid ធម្មតាវិញ ជប៉ុននឹងក្លាយជាទីផ្សារលេខ១ ។ តាមការសិក្សានេះ ជប៉ុននឹងទិញរថយន្ត Hybrid ចំនួន១,៣១លានគ្រឿងនៅឆ្នាំ២០៣៥ ខណៈអាមេរិកខាងជើង ជាទីផ្សារទី២ (១,០៣លានគ្រឿង) និងអឺរ៉ុបលេខ៣ (៥៨ម៉ឺនគ្រឿង) ។ រីឯចិនជាប់លេខ៤ផ្នែករថយន្ត Hybrid ដែលមានចំនួនត្រឹមតែ៥១ម៉ឺនគ្រឿងប៉ុណ្ណោះ ៕
ចែករំលែកព័តមាននេះ