ដល់ទៅ៧នាក់មានទៅតិចណា !
- មណ្ឌលគិរី
ខេត្តមណ្ឌលគិរី ៖ លោកឧត្តមសេនីយ៍ ឡោ សុខា ស្នងការនគរខេត្តមណ្ឌលគិរីបានឲ្យដឹងនៅព្រឹកថ្ងៃទី០២ សីហា ២០១៨ ថា ជនជាតិវៀតណាមចំនួន០៧នាក់…
ខេត្តមណ្ឌលគិរី ៖ លោកឧត្តមសេនីយ៍ ឡោ សុខា ស្នងការនគរខេត្តមណ្ឌលគិរីបានឲ្យដឹងនៅព្រឹកថ្ងៃទី០២ សីហា ២០១៨ ថា ជនជាតិវៀតណាមចំនួន០៧នាក់ ដែលចាប់នៅស្រុកកោះញែក កាលពីល្ងាចថ្ងៃទី០១ សីហា និងត្រូវបញ្ជូនទៅប្រទេសកំណើតវិញ ក្រោយបញ្ចប់និតិវិធីសួរនាំតាមច្បាប់កម្ពុជា ។
សេចក្តីរាយការណ៍បានឲ្យដឹងថា នគរបាលបានឃាត់ខ្លួនជនជាតិវៀតណាមចំនួន០៧នាក់ ព្រមទាំងរថយន្ត ធុនធំចំនួន០៣គ្រឿង នៅចំណុចភូមិរង្សី ឃុំស្រែសង្គម ស្រុកកោះញែក ខេត្តមណ្ឌលគិរី ។ ជុំវិញករណីនេះមិនទាន់មានការបញ្ជាក់ណាមួយឱ្យបានច្បាស់លាស់ទាក់ទង និងការឃាត់ជនជាតិវៀតណាមទាំងនោះទេ ។
ប្រភពក្រៅផ្លូវការបង្ហើបថា មូលហេតុនៃការឃាត់នោះដោយសារ តែរថយន្ត វៀតណាមខាងលើ ចូលមកដល់ទឹកដីប្រទេសកម្ពុជា បន្លំពាក់ស្លាកលេខក្លែងក្លាយ ។ ប្រភពបន្តថា រថយន្តទាំងបីខាងលើ មាន២គ្រឿងជារថយន្តកូរ៉េសម្រាប់ដឹកឈើ និង១គ្រឿងទៀតជារថយន្តសម្រាប់ស្ទួច ។
មជ្ឈដ្ឋាននានាហាក់មានការសង្ស័យចំពោះករណីនេះ ត្បិតមានការបិទបាំងច្រើន ខណៈអ្នកកាសែតព្យាយាមសាកសួរ តែសមត្ថកិច្ចមិនចង់បញ្ជាក់លម្អិតព័ត៌មានទាក់ទិកករណីនេះឡើយ ។
ទោះយ៉ាងណាស្នងការនគរបាលខេត្តមណ្ឌលគិរីបានបញ្ជាក់ថា ករណីនេះកំពុងស្រាវជ្រាវបន្ត ចំពោះជនជាតិវៀតណាមទាំងនោះ និងត្រូវបញ្ជួនទៅប្រទេសកំណើតវិញ តាមច្រកដែលពួកគេចូលមក ព្រោះគ្រាន់តែជាការឆ្លងដែនខុសច្បាប់តែប៉ុននោះ ៕
ចែករំលែកព័តមាននេះ