រាជធានីភ្នំពេញ ៖ បុរសជនជាតិចិនម្នាក់ស្រវឹងបើករថយន្តរេចង្កូតបុករបាំងថ្មពុះចែកទ្រូងផ្លូវបាក់អស់មួយផ្ទាំង ចំណែករថយន្តដាច់កាឡេបើកទៅមុខលែងរួច អ្នកបើកបរចុះពីលើរថយន្តឡើងជិះរ៉ឺម៉កម៉ូតូកង់បីគេចខ្លួនបាត់ស្រមោល ។ ហេតុការណ៍បង្កឲ្យមានការភ្ញាក់ផ្អើលកាលពីវេលាម៉ោង១១យប់ថ្ងៃទី១ ខែសីហា ឆ្នាំ២០១៨ តាមបណ្ដោយផ្លូវសហព័ន្ធរុស្សី…
រាជធានីភ្នំពេញ ៖ បុរសជនជាតិចិនម្នាក់ស្រវឹងបើករថយន្តរេចង្កូតបុករបាំងថ្មពុះចែកទ្រូងផ្លូវបាក់អស់មួយផ្ទាំង ចំណែករថយន្តដាច់កាឡេបើកទៅមុខលែងរួច អ្នកបើកបរចុះពីលើរថយន្តឡើងជិះរ៉ឺម៉កម៉ូតូកង់បីគេចខ្លួនបាត់ស្រមោល ។ ហេតុការណ៍បង្កឲ្យមានការភ្ញាក់ផ្អើលកាលពីវេលាម៉ោង១១យប់ថ្ងៃទី១ ខែសីហា ឆ្នាំ២០១៨ តាមបណ្ដោយផ្លូវសហព័ន្ធរុស្សី ទល់មុខព្រលានយន្តហោះអន្តរជាតិភ្នំពេញ ស្ថិតនៅភូមិក្បាលដំរី២ សង្កាត់កាកាប២ ខណ្ឌពោធិ៍សែនជ័យ ។
តាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ គេឃើញរថយន្តបង្កមួយគ្រឿងម៉ាកស្តារិច ពណ៍ទឹកប្រាក់ ពាក់ស្លាកលេខ កំពង់ស្ពឺ ២B-១២៦០ បើកបរដោយបុរសជនជាតិចិនម្នាក់ ក្នុងស្ថានភាពស្រវឹងបើកបរក្នុងល្បឿនលឿនក្នុងទិសដៅពីកើតទៅលិច លុះបើកមកដល់ចំណុចកើតហេតុស្រាប់តែរថយន្តបានរេចង្កូតទៅផ្នែកខាងឆ្វេងបុករបាំងថ្មពុះចែកទ្រូងផ្លូវខ្ទាតចេញអស់មួយផ្ទាំង ចំណែករថយន្តបង្កផ្ទុះពោងការពារសុវត្ថិភាព បណ្តាលឱ្យបុរសជាជនជាតិចិនដែលជាអ្នកបើកបររថយន្តអត់ពាក់ខ្សែក្រវាត់រថយន្តបោកក្បាលនឹងកញ្ចក់រថយន្តខាងមុខបែកកញ្ចក់ រងរបួសស្រាល។
ប្រភពព័ត៌មានបានបន្តទៀតថា បន្ទាប់ពីកើតហេតុ បុរសជនជាតិចិនខាងលើបំរុងបើករថយន្តចេញពីកន្លែងកើតហេតុ តែរថយន្តខាងលើបានដាច់កាឡេបើកទៅមុខលែងរួច ក៏ចុះពីលើរថយន្តឡើងជិះរ៉ឺម៉កម៉ូតូកង់បីគេចខ្លួនបាត់ស្រមោល បន្សល់ទុកតែរថយន្តនៅកន្លែងកើតហេតុ។
ក្រោយពេលកើតហេតុបានប្រមាណជិតមួយម៉ោង ទើបមាននគរបាលប៉ុស្តិ៍ម្នាក់បានរាយការណ៍ទៅជំនាញផ្នែកសណ្តាប់ធ្នាប់ចរាចរណ៍ខណ្ឌពោធិ៍សែនជ័យដើម្បីវាស់វែងនិងស្ទូចយករថយន្តបង្កទៅរក្សាទុករង់ចាំការដោះស្រាយតាមច្បាប់ ៕
ចែករំលែកព័តមាននេះ