រាជធានីភ្នំពេញ ៖ ស្ត្រីម្នាក់បើករថយន្តមួយគ្រឿងរវល់តែឱនយកទូរស័ព្ទ បណ្តាលឲ្យរេចង្កូតទៅបុកក្បាលនាគពុះចែកទ្រូវផ្លូវបាក់អស់២កង់ តែមិនបង្កឲ្យមានអ្នករងរបួសទេ ហេតុការណ៍នេះកើតឡើងកាលពីវេលាម៉ោង១១និង៤៥នាទីយប់ថ្ងៃទី០១ ខែសីហា ឆ្នាំ២០១៨ ស្ថិតនៅតាមបណ្តោយផ្លូវព្រះសីហនុកែង និងផ្លូវ១៤៣…
រាជធានីភ្នំពេញ ៖ ស្ត្រីម្នាក់បើករថយន្តមួយគ្រឿងរវល់តែឱនយកទូរស័ព្ទ បណ្តាលឲ្យរេចង្កូតទៅបុកក្បាលនាគពុះចែកទ្រូវផ្លូវបាក់អស់២កង់ តែមិនបង្កឲ្យមានអ្នករងរបួសទេ ហេតុការណ៍នេះកើតឡើងកាលពីវេលាម៉ោង១១និង៤៥នាទីយប់ថ្ងៃទី០១ ខែសីហា ឆ្នាំ២០១៨ ស្ថិតនៅតាមបណ្តោយផ្លូវព្រះសីហនុកែង និងផ្លូវ១៤៣ ក្នុងសង្កាត់វាលវង់ ខណ្ឌ៧មករា ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញស្ត្រីម្នាក់បើករថយន្តមួយគ្រឿងម៉ាកហាយឡែនឌ័រ ពណ៌ស ពាក់ស្លាកលេខភ្នំពេញ 2AG-9283 ធ្វើដំណើរទិសដៅពីកើតទៅលិច លុះមកដល់ចំណុចកើតហេតុខាងលើ រវល់តែឱនយកទូរស័ព្ទមិនបានមើលទៅមុខ បណ្តាលឲ្យរេចង្កូតទៅខាងឆ្វេងដៃជ្រុលទៅបុកក្បាលនាគពុះចែកទ្រូងផ្លូវបាក់អស់ចំនួន២កង់ តែមិនបង្កឲ្យមានអ្នករងរបួសទេ ។ ចំណែកស្ត្រីជាអ្នកបើករថយន្តបង្កវិញបានបើកទ្វាររថយន្ត រួចគេចខ្លួនចេញពីកន្លែងហេតុបាត់ស្រមោល ។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរង់ចាំដោះស្រាយគ្នាទៅតាមផ្លូវច្បាប់ ៕
ចែករំលែកព័តមាននេះ