ខេត្តពោធិ៍សាត់ ៖ បុរសវ័យកណ្ដាលម្នាក់បានចងកសម្លាប់ខ្លួន បន្ទាប់ពីដើរផឹកស៊ីពេញមួយយប់ ហើយពេលចូលផ្ទះវិញ មិនឃើញប្រពន្ធ ។ ហេតុការណ៍នេះ បានកើតឡើងកាលពីវេលាម៉ោង០៤និង៣៥នាទីទៀបភ្លឺថ្ងៃទី៣០ កក្កដា…
ខេត្តពោធិ៍សាត់ ៖ បុរសវ័យកណ្ដាលម្នាក់បានចងកសម្លាប់ខ្លួន បន្ទាប់ពីដើរផឹកស៊ីពេញមួយយប់ ហើយពេលចូលផ្ទះវិញ មិនឃើញប្រពន្ធ ។ ហេតុការណ៍នេះ បានកើតឡើងកាលពីវេលាម៉ោង០៤និង៣៥នាទីទៀបភ្លឺថ្ងៃទី៣០ កក្កដា ស្ថិតនៅភូមិទួលក្រួស សង្កាត់ចំរើនផល ក្រុងពោធិ៍សាត់ ។
សមត្ថកិច្ចឲ្យដឹងថា បុរសរូបនេះឈ្មោះ ធឹមលីហេង អាយុ៤១ឆ្នាំ មានប្រពន្ធនិងកូន៣នាក់ ប៉ុន្តែលែងលះគ្នាហើយ និងបានទៅយកប្រពន្ធក្រោយឈ្មោះ លឹម ចន្ទូ អាយុ៤១ឆ្នាំ រស់នៅក្នុងភូមិ-សង្កាត់ខាងលើ ។ តាមការសាកសួរអ្នកស្រុក ដែលរស់នៅទីនោះឱ្យដឹងថា កាលពីប៉ុន្មានថ្ងៃមុន ប្ដី-ប្រពន្ធខាងលើ បានឈ្លោះប្រកែកគ្នាតឹងមាត់តឹង.ក ប៉ុន្តែមិនបានដឹងពីមូលហេតុច្បាស់លាស់ទេ ។ នៅថ្ងៃទី២៩ កក្កដា ដែលជាថ្ងៃបោះឆ្នោត បុរសជាប្ដីបានចេញទៅផឹកស៊ីជាមួយមិត្តភក្តិតាំងពីល្ងាច រហូតដល់ពាក់កណ្ដាលយប់ នៅតែមិនទាន់ចូលផ្ទះទៀត ដោយសារបែបនេះប្រពន្ធ ក៏ទៅដេកនៅផ្ទះបងប្អូនបាត់ទៅ ។
លុះនៅម៉ោង៤ទៀបភ្លឺ បុរសរូបនេះ ត្រឡប់ចូលផ្ទះវិញមិនឃើញប្រពន្ធ តូចចិត្តក៏យកខ្សែអង្រឹងចង.កសម្លាប់ខ្លួនក្នុងរោងក្បែរផ្ទះ ទាំងនៅសម្លៀកបំពាក់តឺនុយនៅឡើយ ។ ចំណែកក្មួយស្រី នៅវេលាម៉ោង០៤និង៣៥នាទីទៀបភ្លឺ ខណៈដឹកបន្លែទៅលក់នៅផ្សារជិះម៉ូតូកាត់តាមមុខផ្ទះប្រទះឃើញឪពុកមាចង.ក ក៏ទៅប្រាប់ម្តាយមីង ទើបផ្អើលទាំងព្រឹកតែម្ដង ។
សមត្ថកិច្ចបានកាត់ចំណងទម្លាក់បុរសរូបនេះចុះក្រោមក្នុងគោលបំណងជួយសង្គ្រោះ ប៉ុន្តែជាអកុសលគឺបានស្លាប់បាត់ហើយ ។ ឆ្លងតាមការពិនិត្យ សមត្ថកិច្ចបញ្ជាក់ថា បុរសរូបនេះពិតជាចង.កសម្លាប់ខ្លួនប្រាកដមែន ។
ចែករំលែកព័តមាននេះ