Philippe Sandler ផ្លោះពី Zwolle ទៅដល់ Manchester City
តាមប្រភពព័ត៌មាន Sky Sports បានឲ្យដឹងថា កីឡាករខ្សែការពារកណ្តាលរបស់ហូឡង់ Philippe Sandler បានចុះកុងត្រាជាមួយនឹងក្លិបមេឃខៀវ Manchester City…
តាមប្រភពព័ត៌មាន Sky Sports បានឲ្យដឹងថា កីឡាករខ្សែការពារកណ្តាលរបស់ហូឡង់ Philippe Sandler បានចុះកុងត្រាជាមួយនឹងក្លិបមេឃខៀវ Manchester City…
តាមប្រភពព័ត៌មាន Sky Sports បានឲ្យដឹងថា កីឡាករខ្សែការពារកណ្តាលរបស់ហូឡង់ Philippe Sandler បានចុះកុងត្រាជាមួយនឹងក្លិបមេឃខៀវ Manchester City ក្រោយពីចាកចេញពី PEC Zwolle ។
Manchester City បានព្រមទទួលយកកីឡាករអាយុ២១ឆ្នាំ ដែលមានតម្លៃ ២.៦លានផោន ពី PEC Zwolle ។ Sandler បានចូលលេងនៅ Zwolle ក្រោយពីចេញពីសាលា Ajax កាលពីឆ្នាំ២០១៦ ។ រូបគេបាននិយាយកាលពីខែមីនា ថាវាហាក់បីដូចជាក្នុងក្តីសុបិន្តដែលអាចមកលេងឲ្យក្លិបមេឃខៀវ Manchester City ។
គេបាននិយាយថា ៖«ខ្ញុំឮថា ខាងក្លិបមេឃខៀវបានតាមមើលខ្ញុំ តែខ្ញុំមិនដែលគិតសោះថាអាចផ្លោះពី Zwolle ទៅដល់ Manchester City ។ ខ្ញុំមិននឹកស្មានសោះថា គេទៅចរចារជាមួយនឹង Zwolle ដើម្បីយកខ្ញុំទៅ» ។
កីឡាករវ័យក្មេងម្នាក់នេះបានបន្តថា ៖«អ្នកចាត់ការក្លិបខ្លាំងជាងគេលោក Pep Guardiola ពេលនេះកំពុងតែកាន់តំណែងនៅទីនោះ ។ គាត់អាចបង្រៀនខ្ញុំឲ្យចេះច្រើន ហើយខ្ញុំក៏អាចរៀនពីរបៀបលេងរបស់ក្រុមទាំងមូលផងដែរ» ។
ខ្សែការពារអាយុ២១ឆ្នាំថា រូបគេចូលចិត្តការលេងរបស់ក្រុម Manchester City មិនមែនត្រឹមតែដោយសារត្រូវចូលលេងនៅរដូវកាលក្រោយទេ ។ នេះគឹដោយសារតែចិត្តស្រឡាញ់ចង់មើល ៕
ចែករំលែកព័តមាននេះ