អង់គ្លេស ៖ តាមប្រភពព័ត៌មាន Metro បានឲ្យដឹងថា ក្មេងស្ទាវពីរនាក់ ពេលនេះត្រូវបានកាត់ទោសឲ្យជាប់ពន្ធនាគារទាំងពីរនាក់បូកចូលគ្នា៣៧ឆ្នាំ ក្រោយវាយយាយចាស់អាយុ៦៤ឆ្នាំបែកមុខកាលពីឆ្នាំមុន។ ជនដៃដល់ទីមួយឈ្មោះ Nathan…
អង់គ្លេស ៖ តាមប្រភពព័ត៌មាន Metro បានឲ្យដឹងថា ក្មេងស្ទាវពីរនាក់ ពេលនេះត្រូវបានកាត់ទោសឲ្យជាប់ពន្ធនាគារទាំងពីរនាក់បូកចូលគ្នា៣៧ឆ្នាំ ក្រោយវាយយាយចាស់អាយុ៦៤ឆ្នាំបែកមុខកាលពីឆ្នាំមុន។
ជនដៃដល់ទីមួយឈ្មោះ Nathan Clark អាយុ២៤ឆ្នាំ ត្រូវបានកាត់ទោសឲ្យជាប់ពន្ធនាគារ១៩ឆ្នាំ ខណៈដែលម្នាក់ទៀតឈ្មោះ Stephen Mortin អាយុ២៣ឆ្នាំ ជាប់ពន្ធនាគារ១៨ឆ្នាំ។ ពួកគេទាំងពីរនាក់ត្រូវជាសត្រូវរបស់ចៅប្រុសលោកយាយរងគ្រោះ។
លោកយាយ Barbara Dransfield ដែលជាជនរងគ្រោះរស់នៅ Greater Manchester ត្រូវបានអ្នកទាំងពីរនាក់ខាងលើវាយ ទាំងលោកយាយពិការនៅលើរទេះរុញ។ មូលហេតុគឺដោយសារតែ ចៅប្រុសរបស់លោកយាយឈ្មោះ Daniel អាយុ៣០ឆ្នាំ ជំពាក់លុយទិញកញ្ឆាជាង១០០ដុល្លារ។
មុនពេលពួកគេសម្រេចចិត្តមកវាយធ្វើបាបលោកយាយ ពួកគេបានគំរាម Daniel ជាច្រើនលើកច្រើនសារឲ្យសងលុយ តែគេធ្វើមិនដឹងមិនលឺ។ ចុងក្រោយទើបជនដៃដល់ទាំងពីរវាយលោកយាយស្ទើរស្លាប់ស្ទើររស់។
លោកយាយត្រូវចំណាយពេលជាច្រើន ទម្រាំតែអាចជាសះស្បើយពីការបាក់ឆ្អឹងលលាដ៍ក្បាល និងបែកឆ្អឹងមុខជាច្រើនកន្លែង។ ទើបតែពេលនេះ ជនដៃដល់ត្រូវបានច្បាប់សម្រេចដាក់ទោសឲ្យសមនឹងទង្វើសាហាវព្រៃផ្សៃរបស់ពួកគេ៕
ចែករំលែកព័តមាននេះ