អ្នកស្រុកមិនអស់ចិត្តទេ ព្រោះជាប់គុកដោយគេឆ្លើយដាក់ (មានវីដេអូ)
- ស្វាយរៀង
ខេត្តស្វាយរៀង ៖ នៅថ្ងៃទី៣១ ខែកក្កដា ឆ្នាំ២០១៨នេះ ប្រពន្ធនិងកូនរបស់ជនជាប់ចោទឈ្មោះផ្លេក សូនី និងអ្នកភូមិព្រៃតាញ៉យ ឃុំខ្សែត្រ ស្រុកកំពង់រោទិ៍…
ខេត្តស្វាយរៀង ៖ នៅថ្ងៃទី៣១ ខែកក្កដា ឆ្នាំ២០១៨នេះ ប្រពន្ធនិងកូនរបស់ជនជាប់ចោទឈ្មោះផ្លេក សូនី និងអ្នកភូមិព្រៃតាញ៉យ ឃុំខ្សែត្រ ស្រុកកំពង់រោទិ៍…
ខេត្តស្វាយរៀង ៖ នៅថ្ងៃទី៣១ ខែកក្កដា ឆ្នាំ២០១៨នេះ ប្រពន្ធនិងកូនរបស់ជនជាប់ចោទឈ្មោះផ្លេក សូនី និងអ្នកភូមិព្រៃតាញ៉យ ឃុំខ្សែត្រ ស្រុកកំពង់រោទិ៍ បានធ្វើការអំពាវនាវសុំឲ្យក្រសួងយុត្តិធម៌ជួយអន្តរាគមន៍មកសាលាដំបូងខេត្តស្វាយរៀងសូមឲ្យពន្លឿនការបើកសវនាការកាត់សេចក្តីផ្តល់នូវភាពយុត្តិធម៌ដល់ជនត្រូវចោទឈ្មោះផ្លេកសូនី ឲ្យមានសេរីភាពវិញ។
ដោយអ្នកភូមិព្រៃតាញ៉យបានអះអាងថា ជនជាប់ចោទឈ្មោះផ្លេក សូនី ជាមនុស្សស្លូតត្រង់ ហើយត្រូវជនជាប់ចោទម្នាក់ទៀតឈ្មោះឆើយ សុជាតិ ឆ្លើយដាក់ដោយអយុត្តិធម៌ ហើយសាលាដំបូងខេត្តស្វាយរៀងបានចោទប្រកាន់ពីបទឃាតកម្ម ដោយមានទារុណកម្ម អំពើរំលោភសេពសន្ថវៈ ប្រព្រឹត្តនៅភូមិតាពៅ សង្កាត់បាវិត ក្រុងបាវិតខេត្តស្វាយរៀងកាលពីថ្ងៃទី២ ខែសីហា ឆ្នាំ២០១៧ តាមមាត្រា២០៥ នៃក្រមព្រហ្មទណ្ឌនិងត្រូវចាប់ខ្លួននៅថ្ងៃទី៨ ខែសីហា ឆ្នាំ២០១៧ និងឃុំខ្លួននៅថ្ងៃទី១១ ខែសីហា ឆ្នាំ២០១៧ នៅពន្ធនាគារខេត្តស្វាយរៀងរហូតមកដល់សព្វថ្ងៃក្នុងបទចោទដូចខាងលើដោយអយុត្តិធម៌។
បើតាមស្ត្រីឈ្មោះរស់ សូន អាយុ៣៥ឆ្នាំ និងកូនឈ្មោះខន វ៉ាឃីម ភេទប្រុស អាយុ១៧ឆ្នាំ និងឈ្មោះខន ស្រីលីន ភេទស្រី អាយុ១៥ឆ្នាំ ជាប្រពន្ធកូនជនសង្សយ័ឈ្មោះផ្លេកសូនី ព្រមទាំងសាក្សីឈ្មោះដាំ សារី ភេទស្រី អាយុ៥២ឆ្នាំ ជាម្ចាស់តុ និងសាក្សីឈ្មោះដាំ សារ៉ាន ភេទស្រី បានអះអាងថា នៅថ្ងៃទី២ ខែសីហា ឆ្នាំ២០១៧ វេលាម៉ោង៥និងជាងកន្លះល្ងាច ឈ្មោះផ្លេក សូនី បានដឹកតុឲ្យគាត់(ដាំសារី) ហើយបន្ទាប់មកយករថយន្តទៅលាងហើយទុករថយន្តក្នុងផ្ទះរួចសម្រាកនិងចូលដេករហូតទល់ភ្លឺ។
ចំណែកអ្នកភូមិឈ្មោះរុន ធីតា ភេទស្រី អាយុ២៨ឆ្នាំ និងប្រជាពលរដ្ឋភូមិព្រៃតាញ៉យ សុទ្ធតែបានអះអាងថា ជនសង្ស័យឈ្មោះផ្លេកសូនី ពិតជាមនុស្សស្លូតត្រង់ មិនដែលប្រព្រឹត្តកំហុសអ្វីឡើយ ហើយចំពោះការឆ្លើយដាក់របស់ឈ្មោះឆើយ សុជាតិ នោះគឺអយុត្តិធម៌ណាស់ ដោយឈ្មោះឆើយ សុជាតិ ធ្លាប់មានទំនាស់ជាមួយឈ្មោះផ្លេក សូនី យូរឆ្នាំមកហើយក៏ឆ្លើយដាក់ ៕
ចែករំលែកព័តមាននេះ