សារព័ត៌មានបរទេសកាលពីពេល ថ្មីៗកន្លងមកផ្សាយថាអ្នកដំណើរម្នាក់មានសំណាងល្អក្នុងការធ្វើដំណើរឆ្លងប្រទេស ក្លាយជាអ្នកដំណើរមួយរូបនៅលើយន្តហោះមួយគ្រឿងបានទទួលការបម្រើយ៉ាងល្អប្រៀបដូចជាយន្តហោះផ្ទាល់ខ្លួន ។
យន្តហោះ«Boeing 737» មាន១៦៨កៅអី ប៉ុន្តែក្នុងជើងហោះហើរពីកោះ «Corfu»ប្រទេសក្រិក ទៅក្រុងប៊ើមីងហេម ចក្រភពអង់គ្លេស មានបុរសអាយុ២៨ឆ្នាំជាអតិថិជន និងជាអ្នកដំណើរម្នាក់លើជើងហោះហើរនេះ ធ្វើឲ្យគេមានភាពចម្លែក និងបង្ហោះឃ្លីបវីដេអូឲ្យមហាជនបានដឹងថា គេមានយន្តហោះផ្ទាល់ខ្លួន។ លោកជាមនុស្សម្នាក់បានទទួលការបម្រើយ៉ាងដិតដល់ពីអ្នកបម្រើការនៅលើយន្តហោះ ថែមទាំងមានឱកាសបានអង្គុយជាមួយកាពីទែន និងទិញសំបុត្រមានតម្លៃតែ៤០ផោន ឬ៥៣ដុល្លារប៉ុណ្ណោះ។
បុរសនោះបានបញ្ជាក់ថា គេធ្វើដំណើរទៅចូលរួមមង្គលការរបស់មិត្តភក្ដិ បានទទួលការបម្រើយ៉ាងល្អ លើសពីនេះក៏បានទទួលកាដូដ៏ពិសេសតម្លៃ៦០ផោន សម្រាប់ប្រើប្រាស់ក្នុងពេលក្រោយ ។ ចាត់ទុកថាជាមោទនភាពមួយដែលរូបគេមិនអាចបំភ្លេចបាននៅក្នុងជីវិត ៕
ចែករំលែកព័តមាននេះ