ខេត្តស្ទឹងត្រែង ៖ បន្ទាប់កោះសន្តិភាពបានចេញផ្សាយព័ត៌មានទាក់ទងគ្រោះមហន្តរាយលើការបាក់ទំនប់
វារីអគ្គិសនីសេពាន សេណាមណយ នៃខេត្តអត្តពឺ ប្រទេសឡាវ ដោយបានជះឥទ្ធិពលយ៉ាងធ្ងន់ធ្ងរដល់ប្រជា
ពលរដ្ឋ ផ្ទះសម្បែងរាប់សិបខ្នងត្រូវប៉ើងទៅតាមទឹក មនុស្សច្រើននាក់ស្លាប់ និងជាច្រើននាក់ទៀតបាត់ខ្លួននោះ នាវេលាម៉ោង១១ និង៤១នាទីព្រឹកថ្ងៃទី៣១ កក្កដា នេះ លោកឧត្តមសេនីយ៍ទោ ស្វាយ ញ៉ន មេបញ្ជាការប្រតិបត្តិការសឹករងខេត្តស្ទឹងត្រែង ទទួលបន្ទុកការងារទំនាក់ទំនងព្រំដែនកម្ពុជា-ឡាវ បានបញ្ជាក់ប្រាប់ថា «កម្ពុជាមិនបានកាក់សាកសព និងប្រគល់សាកសពពលរដ្ឋឡាវទៅភាគីឡាវ សូម្បីតែម្នាក់នោះឡើយ» ។
លោកបន្តថា កម្ពុជាពុំមានរបាយការណ៍រាយការណ៍ពីការប្រទះឃើញសពពលរដ្ឋឡាវ អណ្តែតមកកម្ពុជាដែរ ។ ចំណែកសាកសពដែលបានអណ្តែតទៅទើរនៅស្រុកសៀមបូកខេត្តស្ទឹងត្រែង លោកបានទំនាក់ទំនងជាមួយកុងស៊ុលឡាវ ប្រចាំខេត្តស្ទឹងត្រែង នាំទៅប្រទេសឡាវនោះក៏មិនទាន់ក្តាប់អត្តសញ្ញាណថា ជាសាកសពពលរដ្ឋឡាវឬខ្មែរនោះដែរ ។ លោកបញ្ជាក់ដដែលៗថា កម្ពុជាមិនបានកាក់សាកសពនិងប្រគល់សាកសពពលរដ្ឋឡាវណាម្នាក់ ទៅឱ្យភាគីឡាវនោះទេ រហូតមកទល់ថ្ងៃទី៣១ កក្កដា នេះ ។
លោក សំ ផន អគ្គកុងស៊ុលឡាវប្រចាំខេត្តស្ទឹងត្រែងក៏បានបញ្ជាក់ដែរថា របាយការណ៍របស់អាជ្ញាធរខេត្តអត្តពឺ ប្រទេសឡាវបានបញ្ជាក់ថា សាកសពពលរដ្ឋឡាវចំនួន១០នាក់ បានរកឃើញនៅទន្លេសេពាន ខ្សែទឹកខាងក្រោមទំនប់វារីអគ្គិសនីសេពាន សេណាមណយ និងសាកសពម្នាក់ទៀតរកឃើញបានបញ្ជូនទៅខេត្តអត្តពឺប្រទេសឡាវវិញ បន្ទាប់ពីប្រជាពលរដ្ឋខ្មែរនៅស្រុកសៀមបូក ខេត្តស្ទឹងត្រែង ចងទុកកាលពីព្រឹកថ្ងៃទី២៩ កក្កដា ។
លោកបន្តថា អាជ្ញាធរឡាវនៃខេត្តអត្តពឺបានប្រកាសថា នៅមានប្រជាពលរដ្ឋចំនួន១២១នាក់ទៀតដែលបាត់ខ្លួនរកមិនទាន់ឃើញនៅឡើយ ។
ចែករំលែកព័តមាននេះ