រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ជនសង្ស័យ២នាក់ដោយឃើញយប់រំលងអធ្រាត្រ ស្ងាត់ល្អ បានឱកាសធ្វើសកម្មភាពលួចយកកញ្ឆេរដាក់បន្លែនៅចំណុចបរិវេណក្រោយរបងផ្សារស្ទឹងមានជ័យថ្មី ស្ថិតក្នុងភូមិទ្រា៣ សង្កាត់ស្ទឹងមានជ័យទី១ ខណ្ឌមានជ័យ កាលពីវេលាម៉ោង០២រំលងអធ្រាត្រឈានចូលថ្ងៃទី៣១ កក្កដា នេះ ហើយយកទៅលក់នៅផ្សារដើមគរនៅព្រឹកដដែល អកុសលលក់ប៉ះចំម្ចាស់កញ្ឆេវិញ ក៏ត្រូវចាប់ព្រួតវាយទ្រោមខ្លួនទើបប្រគល់ជូនសមត្ថកិច្ច ។
សេចក្តីរាយការណ៍បន្តថា ជនសង្ស័យទាំង២នាក់ខាងលើ ម្នាក់ឈ្មោះខំ សុខជា អាយុ១៧ឆ្នាំ ជាអ្នករើស
អេតចាយ ស្នាក់នៅផ្ទះជួល ភូមិដំណាក់ធំ សង្កាត់ស្ទឹងមានជ័យ២ និងម្នាក់ទៀតឈ្មោះ ចាន់ សុភាព អាយុ១៨ឆ្នាំ ជាអ្នករើសអេតចាយ ស្នាក់នៅបន្ទាប់ផ្ទះជួលជាមួយគ្នា ។ ដោយឡែក ម្ចាស់កញ្ឆេរឈ្មោះ ហួន
សុភក្តិ ភេទប្រុស អាយុ៣៣ឆ្នាំ ជាអ្នកលក់បន្លែនៅផ្សារដើម.គ ។
បើតាមសម្ដីថា កាលពីថ្ងៃទី២៩ កក្កដា (ត្រូវនិងថ្ងៃបោះឆ្នោះ) គាត់បានផ្អាកលក់ ហើយបានដឹកកញ្ឆេរមកទុកនៅផ្ទះ ស្ថិតនៅខាងក្រោយផ្សារស្ទឹងមានជ័យថ្មី ប៉ុន្តែទុកចោល២ថ្ងៃហើយ គឺមិនមាននរណាលួច
ឡើយ ។ លុះវេលារំលងអធ្រាត្រ (ថ្ងៃកើតហេតុ) គាត់បានឮសូរសម្លេងសម្រឹកជើងនៅខាងក្រោយផ្ទះ តែដោយគិតថា ប្រហែលជាសត្វឆ្កែ ឬឆ្មា ទើបក៏ខ្ជិលចេញទៅក្រៅមើលតែម្តង ។ លុះវេលាម៉ោង៤ព្រឹក
ឡើង ដែលជាពេលគាត់ និងប្រពន្ធឡើងទៅលក់បន្លែនៅផ្សារដើមគរ ក៏បាត់កញ្ឆេសម្រាប់ដាក់បន្លែអស់តែម្តង (ចំនួន៥កញ្ឆេ) ។
ក្រោយបាត់រួចគាត់ គាត់ទៅផ្សារដូចធម្មតា ដើម្បីរកយានជំនិញដឹកបន្លែ ។ លុះវេលាម៉ោង៨ព្រឹក ស្រាប់តែមានជនសង្ស័យម្នាក់ ដើរសួរបុរសរងគ្រេាះថា មានត្រូវការទិញកញ្ឆេរដាក់បន្លែទេ ? លុះសួររួច គាត់ថាត្រូវការ ហើយឱ្យយកកញ្ឆេមក លុះពេលយកមកដល់ គាត់ដឹងថា ជាកញ្ឆេររបស់ខ្លួនដែលបានបាត់ ក៏ស្រវាចាប់ជនសង្ស័យ និងស្រែកហៅឱ្យគេឯងជួយចាប់ រួចវាយម្នាក់មួយដៃមួយជើងតែម្តង ។
បន្ទាប់ពីសាកសួរនាំរួចមកជនសង្ស័យ បានឆ្លើយប្រាប់ថា រូបគេគឺធ្វើសកម្មភាពជាមួយគ្នីគ្នាម្នាក់ទៀត ទើបកម្លាំងនគរបាលបន្តឈានទៅឃាត់ខ្លួន ជនសង្ស័យម្នាក់ទៀតនៅចំណុចផ្ទះជួលរបស់ពួកគេ ដោយដកហូតបានរ៉ឺម៉កម៉ូតូអេតចាយមួយគ្រឿងផងដែរ ដែលជាម៉ូតូជិះពេលធ្វើសកម្មភាព ។
ចែករំលែកព័តមាននេះ