រាជធានីភ្នំពេញ ៖ ក្រុមយុវជនហ្វេសប៊ុកបានផ្តល់វិកាចំនួន១សែនរៀល តាមរយៈកោះសន្តិភាពដើម្បីផ្តល់ជូនក្រុមគ្រួសាររបស់តារាកំប្លែងជើងចាស់នាយស៊ីត្រូ ដែលបានទទួលមរណភាពកាលពីថ្ងៃទី២០ មីនា ២០១៣ នៅក្នុងមន្ទីរពេទ្យកាល់ម៉ែត ដោយសារជំងឺថ្លើមក្នុងអាយុ៦៨ឆ្នាំ។
ភរិយានាយស៊ីត្រូ អ្នកស្រី កេន សុខា បានឲ្យដឹងថា ចាប់តាំងពីស្វាមីរបស់អ្នកស្រីបានទទួលមរណភាពមកអ្នកស្រីនៅមិនទាន់បានទទួលអំណោយណាមួយពីក្នុងរង្វង់អ្នកសិល្បៈឡើយ ក្រៅពីអំណោយសប្បុរសជនមួយចំនួននាពេលនេះ។អ្នកស្រីបានបញ្ជាក់ថា កន្លងមកមានខាងសប្បុរសជនមួយក្រុមក៏បាននាំយកថវិកាចំនួន៥០ម៉ឺនរៀលមកជូនក្រុមគ្រួសារអ្នកស្រីផងដែរ បន្ទាប់មកថវិការបស់ក្រុមយុវជនហ្វេសប៊ុកនេះ ចំណែកខាងផ្នែកសិល្បៈវិញ គឺអ្នកស្រីនៅមិនទាន់បានទទួលពីខាងណាមួយនៅឡើយទេ៕
ចែករំលែកព័តមាននេះ