វាអាចជារឿងដែលគួរផ្លាស់ប្តូរការនិយាយអំពីការបារម្ភអំពីសុខភាព មកនិយាយធម្មតាអំពីរឿងដែលគួរឲ្យអាម៉ាស់វិញ ។ យ៉ាងណាមិញ មានរឿងអាថ៌កំបាំងច្រើនណាស់ដែលមនុស្សយើងច្រើនតែជួបប្រទះ ហើយក៏មិនហ៊ាននិយាយវាចេញដែរ ដោយសារតែភាពខ្មាសអៀន ឬអាចធ្វើឲ្យរងការអាមាសបាន ។
ប៉ុន្តែរឿងទាំងនោះអាចជាបញ្ហាសុខភាពដែលបង្ហាញជាលក្ខណៈប្រយោលបែបនេះ ហើយក៏ត្រូវតែដោះស្រាយដែរ ។ អាការដែលស្តាប់ទៅគួរឲ្យអាម៉ាស់ តែវាគឺជារឿងដែលអ្នក ត្រូវខ្វាយខ្វល់អំពីវា៖
១-លេចនោមដោយមិនដឹងខ្លួន ៖ ម្តងម្កាលវាគឺជារឿងធម្មតាទេ ដែលអ្នកអាចលេចទឹកនោមបន្តិចនៅពេលសើចខ្លាំង ឬមានការថប់អារម្មណ៍ខ្លាំង ។ ប៉ុន្តែបើសិនជាវាគឺជារឿងកើតឡើងគ្រប់ពេល វាគឺជាពេលវេលាដែលត្រូវទៅជួបពេទ្យហើយ ។ មនុស្សភាគច្រើនគឺពិបាកប្រាប់រឿងនេះឲ្យគេដឹងណាស់ ។ ជាធម្មតាការលេចនោមដោយខ្លួនឯងនេះជាសញ្ញាមួយដែលបញ្ជាក់ថាមានបញ្ហាក្នុងសុខភាព ដែលត្រូវការព្យាបាលឲ្យបានលឿន។
២-រមាស់រន្ធគូទ ៖ បញ្ហាសុខភាពញឹកញាប់បំផុតមួយផ្សេងទៀតគឺម្តៅទៅលើការរមាស់រន្ធគូទតែម្តង ។ បើសិនជាអ្នកគិតថា វាអាចដោះស្រាយបានជាមួយនឹងការអនុវត្តអនាម័យល្អ ចូរគិតឡើងវិញ ។ មានរឿងច្រើនណាស់ដែលការរមាស់រន្ធគូទបង្កឡើងដោយបញ្ហាធ្ងន់ ។ គ្រូពេទ្យច្រើននិយាយថា វាជាសញ្ញារបស់ជំងឺឬសដូងបាត ហើយខ្លះទៀតក៏អាចជាសញ្ញានៃការបង្ករោគដោយមេរោគផ្សិត ឬប៉ារ៉ាសិតដែរ ។
៣-កង្វះចំណង់ផ្លូវភេទ ៖ ក្នុងករណីដែលអ្នកមិនមានចំណង់ផ្លូវភេទសោះ ចូរពិចារណាជួបគ្រូពេទ្យដើម្បីជួយហើយ ។ ការមិនមានចំណង់ផ្លូវភេទគឺជារឿងដែលត្រូវយល់ថាធ្ងន់ ។ សម្រាប់ស្ត្រី វាអាចដោយសារតែអតុល្យភាពអ័៊រម៉ូន ដែលបង្កឡើងដោយជំងឺក្នុងខ្លួនមិនបានព្យាបាល ។ សម្រាប់បុរសវិញ វាអាចកើតឡើងដោយសារតែការឆាប់ចេញទឹកកាមពេក និងលិង្គមិនឡើងរឹង ។ ការកង្វះចំណង់ផ្លូវភេទក៏បង្កឡើងដោយប្រភពផ្លូវចិត្តដែរ ។
៤-ការប្រែប្រួលរបស់ក្បាលសុដន់ ៖ បើសិនជាអ្នកសម្គាល់ឃើញការប្រែប្រួលមួយចំនួនទៅលើរូបរាងរបស់ក្បាលសុដន់ ចូរប្រាកដថា អ្នកបានប្រាប់ឲ្យគ្រូពេទ្យដឹងអំពីរឿងនេះលឿនតាមតែអាចធ្វើទៅបាន ។ ជាញឹកញាប់ វាច្រើនតែជាសញ្ញាព្រមានរបស់ជំងឺមហារីកសុដន់ ។ ក្បាលសុដន់ក៏ប្រហែលជាលឹបចូលទៅក្នុង ហើយមានការហូរទឹករំអិលដ៏ចម្លែក ។ ពេលខ្លះវាមានឡើងកន្ទួលរមាស់ខុសធម្មតាផងដែរ ។
៥-ដុះរោមច្រើន ៖ បើសិនជាអ្នកសង្កេតឃើញថា មានការលូតលាស់សក់កាន់តែច្រើនលើរាងកាយជាងធម្មតា ចូរកុំប្រើឡាមកោរអី ។ អ្វីដែលអ្នកត្រូវធ្វើជំនួសគឺទៅជួបពេទ្យដើម្បីពិនិត្យ ។ គ្រូពេទ្យនិយាយថា ការដែលដុះរោមច្រើនលើមនុស្សស្រីច្រើនតែជាសញ្ញាមួយនៃការអតុល្យភាពអ៊័រម៉ូនដោយសារតែបញ្ហាធ្ងន់ក្នុងរាងកាយ ។ រឿងមួយដែលគេរកឃើញច្រើនបំផុតនោះគឺជំងឺគីសច្រើនក្រោមក្នុងក្រពេញអូវ៉ែ (ស្រង់ពីគេហទំព័រសុខភាព) ៕
ចែករំលែកព័តមាននេះ