កីឡាករឆ្នើម Real Madrid ម្នាក់ថា Ronaldo និង Messi ខុសគ្នាស្រឡះ
តាមប្រភពព័ត៌មាន Soccer Laduma បានឲ្យដឹងថា កីឡាកររបស់ក្លិបអធិរាជស Dani Carvajal បានរៀបរាប់ពីចំណុចដែលខ្លួនគិតថា Messi ខុសគ្នាពី…
តាមប្រភពព័ត៌មាន Soccer Laduma បានឲ្យដឹងថា កីឡាកររបស់ក្លិបអធិរាជស Dani Carvajal បានរៀបរាប់ពីចំណុចដែលខ្លួនគិតថា Messi ខុសគ្នាពី Ronaldo ។
ខណៈដែលមនុស្សគ្រប់គ្នា តែងតែយក Messi ទៅប្រៀបនឹង Ronaldo កីឡាករ Carvajal ថាពួកគេទាំង២ គឺជាកីឡាករខុសស្រឡះពីគ្នា ហើយមិនអាចយកទៅប្រៀបធៀបបានឡើយ ។
Carvajal បានប្រាប់សារព័ត៌មាន beIN Sports ថា ៖«ខ្ញុំគិតថា Messi និង Ronaldo ពិបាកនឹងយកទៅប្រៀបជាមួយគ្នាណាស់ ។ ពួកគេគឺជាកីឡាករ២រូប ដែលខ្លាំងចារទុកក្នុងប្រវត្តិសាស្ត្រ ។ តែពួកគេគឺខុសគ្នាស្រឡះ» ។
កីឡាករអេស្ប៉ាញរូបនេះបានបន្តថា ៖ «Messi គឺជាកីឡាករដែលពូកែបណ្តើរបាល់ ។ បាល់តែងនៅនឹងជើងរបស់គេជានិច្ច ដើម្បីត្រៀមនឹងរកប្រឡោះស៊ុត ។ សម្រាប់ Ronaldo វិញ គឺជាកីឡាករដែលនិយមស៊ុតឲ្យចូលទី ។ ពួកគេខុសគ្នា តែពូកែដូចគ្នា» ។
គួរបញ្ជាក់ផងដែរថា Carvajal បានចូលលេងនៅ Real Madrid បាន២០០ដងតាំងពីចូលលេងមក ដែលស៊ុតបញ្ចូលទីបាន៤គ្រាប់ ៕
ចែករំលែកព័តមាននេះ