រាជធានីភ្នំពេញ ៖ សេចក្តីរាយការណ៍ឱ្យដឹងថា បុរសជនជាតិកូរ៉េម្នាក់ ដោយសារមានជំងឺទឹកនោមផ្អែម និងលើសឈាមអស់រយៈពេល៥ឆ្នាំហើយព្យាបាលមិនជា ស្រាប់តែសម្រេចចិត្តធ្វើអត្តឃាតដោយចង.កសម្លាប់ខ្លួនស្លាប់ បង្កការភ្ញាក់ផ្អើល កាលពីវេលាម៉ោង០៩ និង១០នាទីព្រឹកថ្ងៃទី២៨ កក្កដា នេះ ស្ថិតនៅក្នុងផ្ទះលេខ10ផ្លូវលេខ14 ក្រុមទី6 ស្ថិតក្នុងបូរីពិភពថ្មី ភូមិត្រពាំងថ្លឹង៤ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ ។
សេចក្តីរាយការណ៍បន្តថា ជនរងគ្រោះខាងលើ ឈ្មោះ KOR NA អាយុ៦៥ឆ្នាំ ជាជនជាតិកូរ៉េ ស្នាក់នៅក្នុងផ្ទះជួលកេីតហេតុ ។ បុរសនេះ បានយកខ្សែនីឡុងចង.កជាប់ជាមួយដែកបង្អួចឡៅតឿទម្លាក់ខ្លួនចុះក្រោមស្លាប់ដោយគ្មានអ្នកដឹងឡើយ ព្រោះស្នាក់នៅតែម្នាក់ឯង ។
បើតាមស្ត្រីម្នាក់ឈ្មោះ អ៊ុន សារឹម អាយុ២៩ឆ្នាំ បាននិយាយថា ប្ដីនាងជាជនជាតិកូរ៉េដែរ ហើយក៏ត្រូវជាមិត្តភក្ដិរបស់ជនរងគ្រោះម្នាក់នេះ ។ ដោយឡែក នៅមុនពេលមានហេតុការណ៍ភ្ញាក់ផ្អើល នាងនិងប្ដីបានទៅលេង និងសួរសុខទុក្ខបុរសនេះ ព្រោះគាត់មានជំងឺទឹកនោមផ្អែម និងលេីសឈាម ។
លុះពេលទៅដល់ឃេីញទ្វារផ្ទះបិទ ពួកគាត់បានស្រែកហៅជាច្រើនដង ប៉ុន្តែមិនបានឮជនរងគ្រោះឆ្លេីយឡើយ ។ ខណៈនោះដោយមានការងឿងឆ្ងល់ និងសង្ស័យបាននាំគ្នាមេីលតាមកញ្ចក់ ស្រាប់តែឃេីញជនរងគ្រោះចង.កសម្លាប់ខ្លួន ទើបស្រែកឱ្យអ្នកជិតខាងជួយ និងបានរាយការណ៍ជូននគរបាលភ្លាមៗ ។
ចែករំលែកព័តមាននេះ