រាជធានីភ្នំពេញ ៖ បុរសម្នាក់បានរងរបួសធ្ងន់ធ្ងរសង្ឃឹមថារស់តិចបំផុត ខណៈពេលដែលជនរងគ្រោះ រូបនេះជិះម៉ូតូម្នាក់ឯងចេញពីផ្ទះទៅដឹកប្រពន្ធដែលចេញពីធ្វើការរោងចក្រ។ លុះពេលទៅដល់ត្រង់ចំណុច ផ្លូវកោងក៏ត្រូវបានរថយន្តដឹកដី១គ្រឿងបុកពេញទំហឹង ហើយកិនទាំងមនុស្ស និងម៉ូតូព្រមទាំងអូស ជាច្រើនម៉ែត្របណ្ដាលឲ្យបុរសរងគ្រោះខាងលើរងរបួសបាក់ជើងទាំង២…
រាជធានីភ្នំពេញ ៖ បុរសម្នាក់បានរងរបួសធ្ងន់ធ្ងរសង្ឃឹមថារស់តិចបំផុត ខណៈពេលដែលជនរងគ្រោះ រូបនេះជិះម៉ូតូម្នាក់ឯងចេញពីផ្ទះទៅដឹកប្រពន្ធដែលចេញពីធ្វើការរោងចក្រ។ លុះពេលទៅដល់ត្រង់ចំណុច ផ្លូវកោងក៏ត្រូវបានរថយន្តដឹកដី១គ្រឿងបុកពេញទំហឹង ហើយកិនទាំងមនុស្ស និងម៉ូតូព្រមទាំងអូស ជាច្រើនម៉ែត្របណ្ដាលឲ្យបុរសរងគ្រោះខាងលើរងរបួសបាក់ជើងទាំង២ បាក់ដៃ និងបែកក្បាលយ៉ាង ធ្ងន់ធ្ងរ ដែលសង្ឃឹមថានឹងរស់តិចបំផុត។
ចំណែកប្រជាពលរដ្ឋ និងនគរបាលបានហៅរថយន្តសង្គ្រោះ ដើម្បីដឹកជនរងគ្រោះទៅសង្គ្រោះដែរ ប៉ុន្តែជិត២ម៉ោងទៅហើយមិនឃើញទៅទៀត។ ឧប្បត្តិហេតុគ្រោះថ្នាក់ ចរាចរនេះបានកើតឡើងកាលពីវេលាម៉ោង៣ និង៤៥នាទីរសៀល ថ្ងៃទី២៧ ខែកក្កដា ឆ្នាំ២០១៨ នៅលើកកំណាត់ផ្លូវលំ ភូមិស្នោរខាងកើត សង្កាត់ស្នោរ ខណ្ឌពោធិ៍សែនជ័យ រាជធានីភ្នំពេញ។ តាមប្រភព័ត៌មានបានឲ្យដឹងថា បុរសរងគ្រោះខាងលើឈ្មោះ ជឿន ស៊ីណា អាយុ៣៧ឆ្នាំ មានទីលំនៅក្នុងភូមិត្នោតខ្ពស់ សង្កាត់ពន្សាំង ខណ្ឌព្រែកព្នៅ។ ជិះម៉ូតូ១គ្រឿងម៉ាកហុងដាឌ្រីមសេ១២៥ ស៊េរីឆ្នាំ២០១៤ ពណ៌ខ្មៅពាក់ស្លាកលេខ ភ្នំពេញ 1CG-6147។
ចំណែករថយន្តបង្កម៉ាកហ៊ីណូ ពណ៌សឆ្នូតក្រហម ពាក់ស្លាកលេខ ភ្នំពេញ 3C-8990 អ្នកបើកបរបានរត់គេចខ្លួនបាត់ស្រមោល។ ប្រភពដដែលបានបន្តថា នៅមុនពេលកើតហេតុរថយន្តបានដឹកដីពេញទ្រុង បើកបរធ្វើដំណើរក្នុងទិសដៅ ពីត្បូងទៅជើង។ លុះពេលទៅដល់ត្រង់ចំណុចកើតហេតុដែលជាផ្លូវកោង ក៏បានបុកម៉ូតូជនរងគ្រោះ ខាងលើដែលកំពុងធ្វើដំណើរក្នុងទិសដៅពីជើងទៅត្បូងចេញពីផ្ទះក្នុងបំណងទៅដឹកប្រពន្ធចេញពីធ្វើការរោងចក្រ។ ព្រមទាំងកិន និងអូសជាច្រើនម៉ែត្របណ្ដាលឲ្យរងរបួសបាក់ជើងទាំង២ បាក់ដៃ និងបែកក្បាលធ្ងន់ធ្ងរដែលសង្ឃឹមថារស់តិចបំផុត។
ក្រោយពេលកើតហេតុប្រជាពលរដ្ឋ និងនគរបាលបានខលហៅរថយន្តពេទ្យដើម្បីដឹកយកទៅសង្គ្រោះដែរ ប៉ុន្តែអត់មានរថយន្តពេទ្យ ណាដឹកទៅឡើយ។ បន្ទាប់មកនគរបាលការិយាល័យចរាចរផ្លូវគោកនៃស្នងការដ្ឋាននគរបាល រាជធានីភ្នំពេញបានចុះទៅវាស់វែង ហើយនាំយករថយន្ត និងម៉ូតូទៅរក្សាទុករង់ចាំការដោះស្រាយគ្នា៕
ចែករំលែកព័តមាននេះ