រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មនុស្សប្រុស-ស្រី២នាក់បានរងរបួសធ្ងន់ធ្ងរ ក្នុងហេតុការណ៍គ្រោះថ្នាក់ចរាចរណ៍មួយ ក្រោយរថយន្តដែលអ្នកបើកជាជនជាតិតៃវ៉ាន់ បានជ្រុលទៅបុកម៉ូតូ២គ្រឿង កើតឡើងកាលពីវេលាម៉ោង០២ និង៥០នាទីរសៀលថ្ងៃទី២៧ កក្កដា…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មនុស្សប្រុស-ស្រី២នាក់បានរងរបួសធ្ងន់ធ្ងរ ក្នុងហេតុការណ៍គ្រោះថ្នាក់ចរាចរណ៍មួយ ក្រោយរថយន្តដែលអ្នកបើកជាជនជាតិតៃវ៉ាន់ បានជ្រុលទៅបុកម៉ូតូ២គ្រឿង កើតឡើងកាលពីវេលាម៉ោង០២ និង៥០នាទីរសៀលថ្ងៃទី២៧ កក្កដា នេះ ស្ថិតតាមបណ្តោយផ្លូវជាតិលេខ៣ ត្រង់ចំណុចមុខសាលាសង្កាត់ភ្លើងឆេះរទេះ ក្នុងភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ ។
សេចក្តីរាយការណ៍បន្តថា អ្នកបើកបរបង្កខាងលើ ឈ្មោះ ខេ ធី អាយុ៣៧ឆ្នាំ ជាជនជាតិតៃវ៉ាន់ ត្រូវបានឃាត់ខ្លួនភ្លាមៗ ។ ដោយឡែក ជនរងគ្រោះទាំង២នាក់មិនត្រូវបានស្គាល់ឈ្មោះទេ ព្រោះបញ្ជូនទៅសង្គ្រោះនៅមន្ទីរពេទ្យបាត់ ។
ទាក់ទិនករណីនេះ គឺនៅមុនពេលកើតហេតុ គេឃើញរថយន្តម៉ាកBMW ដែលអ្នកបើកជាជនជាតិចិនរូបនោះ ធ្វើដំណើរយ៉ាងលឿនក្នុងទិសដៅពីជើង ទៅត្បូង ។ លុះមកបើកមកដល់ចំណុចកើតហេតុ ក៏បាន
ជែងជាមួយរថយន្តមួយគ្រឿងទៀតនៅខាងមុខ ស្រាប់តែប្រទះជាមួយម៉ូតូជនរងគ្រោះនៅពីខាងមុខ (បញ្ច្រាសគ្នា) បណ្តាលឱ្យបុកមួយទំហឹងតែម្តង ។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ