វាមិនមែនតែងតែងាយស្រួលឡើងក្នុងការកំណត់ថាអ្នកមានជំងឺមហារីក ឬអត់នោះ ជាពិសេសនៅពេលមិនទាន់បានជួបជាមួយគ្រូពេទ្យ។ ប៉ុន្តែមានអាការប្រកាសអាសន្នច្រើនណាស់ដែលអ្នកគួរតែយកចិត្តទុកដាក់ចំពោះវា ។ ដូចអ្នកទាំងអស់គ្នាធ្លាប់ដឹងហើយថា អត្រាមានជីវិតរបស់ជំងឺមហារីក គឺកាន់តែខ្ពស់នៅពេលដែលរកឃើញជំងឺនេះកាន់តែលឿន ដោយសារតែការព្យាបាលមានប្រសិទ្ធភាពល្អបំផុត ។…
វាមិនមែនតែងតែងាយស្រួលឡើងក្នុងការកំណត់ថាអ្នកមានជំងឺមហារីក ឬអត់នោះ ជាពិសេសនៅពេលមិនទាន់បានជួបជាមួយគ្រូពេទ្យ។ ប៉ុន្តែមានអាការប្រកាសអាសន្នច្រើនណាស់ដែលអ្នកគួរតែយកចិត្តទុកដាក់ចំពោះវា ។ ដូចអ្នកទាំងអស់គ្នាធ្លាប់ដឹងហើយថា អត្រាមានជីវិតរបស់ជំងឺមហារីក គឺកាន់តែខ្ពស់នៅពេលដែលរកឃើញជំងឺនេះកាន់តែលឿន ដោយសារតែការព្យាបាលមានប្រសិទ្ធភាពល្អបំផុត ។
សញ្ញាខាងក្រោមនេះ មិនមែនតែងតែជាសញ្ញារបស់ជំងឺមហារីកទាំងអស់ឡើយ ប៉ុន្តែអ្នកគួរតែយកចិត្តទុកដាក់ឲ្យបានខ្លាំង និងជួបគ្រូពេទ្យបើសិនជាសម្គាល់ឃើញមានអ្វីប្លែក ឬមិនធម្មតាកើតឡើង ។
១-អស់កម្លាំង ៖ ការអស់កម្លាំងនេះចង់សម្តៅទៅលើសម្រាកហើយនៅតែមិនធូរស្រាលទៀត ។ រឿងនេះប្រហែលជាសញ្ញាដំបូងនៃការលូតលាស់របស់ជំងឺមហារីក ប៉ុន្តែវាប្រហែលជាកើតឡើងលឿនលើជំងឺមហារីកមួយចំនួនដូចជា មហារីកគ្រាប់ឈាមស ។ ជំងឺមហារីកក្រពះ ឬពោះវៀនធំមួយចំនួនអាចធ្វើឲ្យបាត់បង់ឈាមដោយមិនឃើញជាក់ស្តែងឡើយ ។ រឿងមួយទៀតគឺធ្វើឲ្យអស់កម្លាំងនេះឯង ។
២-ក្តៅខ្លួន ឬមានការបង្ករោគញឹកញាប់ ៖ ការក្តៅខ្លួនគឺជាសញ្ញាមួយដែលបញ្ជាក់ថា រាងកាយកំពុងតែប្រឆាំងនឹងការបង្ករោគហើយ ប៉ុន្តែបើសិនជាវាកើតឡើងជាប់រយៈពេលយូរ វាអាចបញ្ជាក់ថាជាមហារីកវិញ ដូចជា មហារីកកូនកណ្តុរតែម្តង ។
៣-ការឈឺចាប់ ៖ ការឈឺចាប់អាចជាសញ្ញា ភ្លាមៗនៃជំងឺមហារីកមួយចំនួនដូចជា មហារីកពងស្វាស ឬមហារីកឆ្អឹង ។ ការឈឺក្បាលដែលមិនស្រួលបួលទៅវិញ ឬបាត់ទៅវិញដោយការព្យាបាលទេ អាចជាសញ្ញានៃដុំសាច់ក្នុងខួរក្បាល ។ ការឈឺខ្នងអាចជាសញ្ញាមួយនៃជំងឺមហារីកចុងពោះវៀនធំ ពោះវៀនធំ ឬក្រពេញអូវ៉ែ ។ ភាគច្រើន ការឈឺចាប់ដែលបង្កឡើងដោយមហារីកច្រើនតែជាការរាលដាលពីកន្លែងណាផ្សេងដែលកើតឡើងដំបូង ។
៤-ស្រកទម្ងន់ដោយគ្មានមូលហេតុ ៖ មនុស្សភាគច្រើនដែលមានជំងឺមហារីកនឹងស្រកទម្ងន់ក្នុងពេលវេលាណាមួយ ។ ការស្រកទម្ងន់ដោយគ្មានមូលហេតុចាប់ពី៥គីឡូក្រាមឡើងទៅ អាចជាសញ្ញាដំបូងនៃជំងឺមហារីកដែរ ។ រឿងនេះភាគច្រើនកើតឡើងលើជំងឺមហារីកក្រពះ លំពែង ឬសួត ។
៥-ស្បែកមានការប្រែប្រួល ៖ ជាមួយគ្នានឹងជំងឺមហារីកស្បែក មហារីកមួយចំនួន ផ្សេងៗទៀតអាចធ្វើឲ្យស្បែកប្រែប្រួលបាន។ អាការទាំងនេះមានដូចជា៖ ស្បែកខ្មៅ, ដុះរោមច្រើនពេក, រមាស់ស្បែក, ស្បែកឡើងក្រហម, ស្បែក និងភ្នែកទៅជាលឿង (ស្រង់ពីគេហទំព័រសុខភាព) ៕
ចែករំលែកព័តមាននេះ